Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
ÞÝSKIR DAGAR: Líf annarra, Bless Lenin, Lukka Emmu og Í júlí

ÞÝSKIR DAGAR: Líf annarra, Bless Lenin, Lukka Emmu og Í júlí

Oct 04, 2010 Engin skoðun

Þessar myndir eru sýndar í samvinnu við Goethe Institut og Þýsk-íslenska verslunarráðið sem stóð fyrir Þýskum dögum helgina 1.-3. október (þjóðhátíðardagur Þýskalands er 3. október).

Við sýnum fjórar nýlegar þýskar myndir sem vakið hafa mikla athygli síðasta áratuginn, góð dæmi um þær frábæru myndir sem komið hafa frá Þýskalandi um nokkurt skeið.

LÍF ANNARRA

Das Leben der Anderen (The Lives of Others)

  • Tegund og ár: Leikin mynd, 2006
  • Lengd: 132 mín.
  • Land: Þýskaland
  • Leikstjóri: Florian Henckel von Donnersmarck
  • Aðalhlutverk: Martina Gedeck, Sebastian Koch, Ulrich Mühe

Efni: Snemma á 8. áratugnum í Austur-Þýskalandi njóta leikskáldið Georg Dreyman og sambýliskona hans, leikkonan Christa-Maria Sieland, mikillar hylli í landinu, en á laun eru þau ekki alltaf sammála stefnu kommúnistaflokksins sem öllu ræður þar í landi. Dag einn fær menningarmálaráðherrann áhuga á Christu og er þá leyniþjónustustarfsmanninum Wiesler falið að hefja eftirlit með parinu. Í fyrstu lítur Wiesler á þetta sem venjulegt verk en það líður ekki á löngu áður en hann þarf að gera upp við sig hvar hollusta sín liggur.

Umsögn: Líf annarra er mögnuð kvikmynd sem hefur farið sigurför um heiminn. Auk þess að hljóta Óskarsverðlaunin sem besta kvikmyndin á erlendu tungumáli árið 2007 hefur hún hreppt 33 önnur verðlaun á kvikmyndahátíðum um allan heim og verið tilnefnd til tíu annarra.

  • DAGSKRÁ: Þýskir dagar
  • SÝND: 4. og 6. október

BLESS LENIN
Goodbye Lenin

  • Tegund og ár: Leikin mynd, 2003
  • Lengd: 121 mín.
  • Land: Þýskaland
  • Leikstjóri: Wolfgang Becker
  • Aðalhlutverk: Daniel Brühl, Chulpan Khamatova, Maria Simon, Florian Lukas, Alexander Beyer, Michael Gwisdek, Armin Dillenberger

Efni: Október 1989 var ekki góður tími til að falla í dá ef þú bjóst í Austur-Þýskalandi, en það er nákvæmlega það sem kemur fyrir móður Alex, athafnakonu og hugsjónamanneskju sem helgar líf sitt baráttunni fyrir betra lífi í hinu sósíalíska Þýskalandi. Alex líst ekki á blikuna þegar hún vaknar skyndilega til lífsins átta mánuðum seinna. Hjartað í henni er svo veikt að hvaða áfall sem er gæti orðið henni að bana. Og hvað gæti verið henni meira áfall en fall Berlínarmúrsins og sigur kapítalismans í ástkæra landinu hennar? Til að bjarga móður sinni breytir Alex íbúð fjölskyldunnar þannig að hún virðist enn tilheyra þeim tíma er veggurinn stóð og móðir hans er göbbuð til að trúa því að ekkert hafi breyst meðan hún svaf. Alex á þó sífellt erfiðara með að halda sannleikanum frá henni, því með hverjum deginum hressist hún; þá vill hún horfa á sjónvarpið, hlusta á fréttir og einn daginn fer hún m.a.s. fram úr rúminu til að fá sér göngutúr um hverfið…

Umsögn: Goodbye Lenin er bráðfyndin og hjartnæm kvikmynd sem hefur farið ótrúlega sigurgöngu um allan heim. Hún hefur sópað til sín verðlaunum um allan heim og er ein aðsóknarmesta evrópska kvikmynd allra tíma. Í Bandaríkjunum gekk hún mjög vel og hefur slegið aðsóknarmet í Ástralíu, Austurríki, Mexíkó, Spáni og Englandi, auk þess að slá öll möguleg aðsóknarmet svo um munar, í heimalandi sínu. Hér á Íslandi fékk hún rífandi aðsókn og mikið lof gagnrýnenda.

  • DAGSKRÁ: Þýskir dagar
  • SÝND: 4. og 6. október

LUKKA EMMU

Emmas Gluck (Emma’s Bliss)

  • Tegund og ár: Leikin mynd, 2006
  • Lengd: 101 mín.
  • Land: Þýskaland
  • Leikstjóri: Sven Taddicken
  • Aðalhlutverk: Joerdis Triebel, Jürgen Vogel, Hinnerck Schonemann, Nina Petri, Martin Feifel, Karin Neuhauser

Efni: Eftir að Max fær þær hræðilegu fréttir að hann sé að deyja úr krabbameini, ákveður hann að flýja til fallegasta staðar í heiminum, Mexíkó. En þegar hann fyrir tilviljun endar á svínabúi Emmu áttar hann sig á því að sönn hamingja leynist rétt handan við hornið.

Umsögn: Þessi rómantíska tragikómedía hefur unnið til margra verðlauna og þykir afar áhorfendavæn, ekki síst fyrir sök aðalleikaranna.

  • DAGSKRÁ: Þýskir dagar
  • SÝND: 5. og 7. október

Í júlí

Im Juli (In July)

  • Tegund og ár: Leikin mynd, 2000
  • Lengd: 99 mín.
  • Land: Þýskaland
  • Leikstjóri: Fatih Akin
  • Aðalhlutverk: Moritz Bleibtreu, Christiane Paul

Efni: Rómantísk gamanmynd sem segir frá Daniel, feimnum og barnalegum efnafræðikennara, sem reynir að komast frá Hamburg til Istanbúl á sjö dögum til þess að hitta Melek, konu sem hann er orðinn ástfanginn af. Með honum í ferðinni er Juli, ung og lífsglöð kona, sem spáir því að Daniel muni innan skamms finna hina einu sönnu ást. Á leiðinni austur uppgötvar Daniel sjálfan sig á nýjan leik og lærir að berjast fyrir raunverulegri hamingju.

Umsögn: Þetta er fyrsta kvikmynd eins helsta núverandi leikstjóra Þjóðverja, Fatih Akin (Eldhús sálarinnar), fersk rómantísk kómedía og full af þeirri orku og fjöri sem einkenna myndir hans.

  • DAGSKRÁ: Þýskir dagar
  • SÝND: 5. og 7. október

Kvikmyndir
Engin skoðun á “ÞÝSKIR DAGAR: Líf annarra, Bless Lenin, Lukka Emmu og Í júlí”

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.