Fatahönnuðurinn Mundi Vondi frumsýnir stuttmyndina Rabbit Hole á fimmtudagskvöld
Ný stuttmynd, Rabbit Hole, sem listamaðurinn Mundi Vondi leikstýrir verður frumsýnd í Bíó Paradís fimmtudaginn 28. október kl 20:00. Myndina framleiddu Hrefna Hagalín og Kristín Bára Haraldsdóttir. Sérstakir boðsmiðar hafa verið gefnir út á frumsýninguna en almenningur er velkominn á sýninguna á meðan húsrúm leyfir.
Sýningin er í boði Bíó Paradísar en frjáls framlög eru vel þegin.
Rabbit Hole var tekin upp síðasta sumar í ágúst á hálendi Íslands og stóðu tökur yfir í um viku. Hér er á ferð súrrelísk mynd um för ungrar stúlku sem þarf að leysa ýmsar þrautir til að komast á þann leiðarenda sem hún óskar sér. Stuttmyndin var í upphafi gerð sem kynningarmyndband fyrir nýja fatalínu hjá Munda Design. Myndin var frumsýnd á tískuvikunni í París síðastliðinn október.
Með aðalhlutverk í myndinni fara Brynja Jónbjarnardóttir fyrirsæta, Snorri Ásmundsson listamaður, Hrafnkell Flóki Kaktus tónlistarmaður úr Captain Fufanu og Stefán Finnbogason tónlistarmaður úr hljómsveitinni Sykur.
Tónlistin í myndinni er eftir Mr. Sillu og samdi hún tónlist sérstaklega fyrir alla myndina.
Kvikmyndatökumaður er Bjarni Fel og er myndin tekin upp á Canon 5D.
Klippari er Steffi Thors sem klippti meðal annars kvikmyndina Borgríki.
Mundi Vondi er listamaður og fatahönnuður og er nýbúin að opna nýja búð Mundi’s Boutique á Laugarvegi 37. Mundi var að sýna nýju fatalínuna sína í París á Paris Fashion Week í byrjun október. Mundi var einnig nýlega með opnun í gallerýinu Rove Project á Hoxton Square í London á listaverkum sem hann gerði með listamannahópnun MoMs sem samanstendur af Mundi, Ragnari Fjalari Lárussyni og Friðriki Svani Sigurðssyni þeir hafa einnig unnið mikið með listamannahópnum Gelatin frá París.
