Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
Hrekkjavaka: Halloween og The Evil Dead

Hrekkjavaka: Halloween og The Evil Dead

Oct 27, 2010 1 skoðun

Í tilefni Hrekkjavöku sýnum við tvær klassískar hryllingsmyndir um helgina í samvinnu við NEXUS, Halloween (John Carpenter, 1978) á föstudag kl. 20 og The Evil Dead (Sam Raimi, 1981) á laugardag kl. 20.

Stranglega bannaðar innan 16 ára.

Verð 1.000 kr. á hvora mynd, 1.500 ef keyptir eru miðar á báðar. Miðar eingöngu seldir í miðasölu okkar.

Halloween

  • Tegund og ár: Leikin mynd, 1978
  • Lengd: 85 mín.
  • Land: Bandaríkin
  • Leikstjóri: John Carpenter
  • Aðalhlutverk: Donald Pleasance, Jamie Lee Curtis, Nancy Kyes

Efni: Michael Myers, sálsjúkur morðingi sem hefur verið lokaður inná hæli síðan í barnæsku, sleppur út og byrjar að slátra fólki meðan læknirinn hans reynir að hafa uppá honum.

Umsögn: Þessi klassíska hryllingsmynd frá áttunda áratugnum er af mörgum talin upphafsverk hinna svokölluðu “slasher” mynda, sem sóttu innblástur sinn til Psycho Hithcocks. Fjölmargar aðrar myndir hafa gengið í spor þessarar en ólíkt þeim flestum er ekki mikið af grófu ofbeldi eða viðbjóði í henni. Árið 2006 var hún valin til sérstakrar varðveislu af Library of Congress en þangað ná aðeins myndir sem taldar eru hafa “menningarlegt, sögulegt eða fagurfræðilegt gildi”. Halloween var fyrsta mynd Jamie Lee Curtis.

Myndin er sýnd af 8mm filmueintaki í eigu Páls Óskars Hjálmtýssonar og kunnum við honum bestu þakkir fyrir lán á eintakinu og tilheyrandi sýningarvél.

  • DAGSKRÁ: Hrekkjavaka
  • SÝND: 29. október 2010 kl. 20

 

The Evil Dead

  • Tegund og ár: Leikin mynd, 1981
  • Lengd: 85 mín.
  • Land: Bandaríkin
  • Leikstjóri: Sam Raimi
  • Aðalhlutverk: Bruce Campell, Ellen Sandweiss, Betsy Baker, Hal Delrich, Theresa Tilly

 

Efni: The Evil Dead segir frá fimm háskólanemum sem hyggjast eyða viku í einangruðum kofa í skóglendi í Tennessee. Fríið þeirra snýst hins vegar upp í martröð þegar þeir finna gamla hljóðupptöku sem leysir úr læðingi illa anda.

Umsögn: The Evil Dead var gríðarlega umdeild þegar hún kom fyrst út. Erfiðlega gekk að finna dreifingaraðila fyrir myndina í Bandaríkjunum þar sem myndin þótti allt of ofbeldisfull. Það var ekki fyrr en eftir að evrópskt kvikmyndafyrirtæki kynnti myndina á kvikmyndahátíðinni í Cannes að hún fékkst loks sýnd í kvikmyndahúsum.

Þrátt fyrir að myndin hafi hlotið misjafna dóma þegar hún kom fyrst út hefur hún áunnið sér nokkurs konar költ sess meðal bíónörda og áhugamanna um hrollvekjur. The Evil Dead hefur getið af sér tvær framhaldsmyndir, Evil Dead II og Army of Darkness.

  • DAGSKRÁ: Hrekkjavaka
  • SÝND: 30. október 2010 kl. 20

Sjá stiklu hér.

Bandaríkin, Kvikmyndir

Ein skoðun to “Hrekkjavaka: Halloween og The Evil Dead”

  1. Dagskrá vikunnar í Bíó Paradís : Vinkill.is says:
    08/02/2011 at 14:37

    […] Hrekkjavaka helgina 29.-30. okt. […]

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.