Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
Haustbíódagar 2010: Sjö heitustu heimildamyndir ársins

Haustbíódagar 2010: Sjö heitustu heimildamyndir ársins

Nov 10, 2010 Engin skoðun

Græna ljósið slær enn og aftur upp mikilli kvikmyndaveislu í Bíó Paradís. Sjö heitustu heimildarmyndir ársins verða sýndar frá 12. nóvember og opnunarmyndin er Feathered Cocaine, ný íslensk heimildamynd sem hefur vakið heimsathygli.

Fiðruð fíkn (Feathered Cocaine)

  • Tegund og ár: Heimildamynd, 2010
  • Lengd: 79 mín.
  • Land: Ísland
  • Stjórnendur: Þorkell S. Harðarson, Örn Marinó Arnarson

EFNI: Olíufurstarnir í Persaflóanum eru helteknir af veiðifálkum og borga allt að einni milljón dollara fyrir góðan fugl. En það eru fleiri en olíufurstarnir sem stunda fálkaveiðar: Osama Bin Laden er heltekinn fálkaveiðimaður og notar fálkana til fjármögnunar Al-Qaeda. Fiðruð fíkn skyggnist inn í lokaðan heim sem örfáir aðilar í veröldinni hafa haft aðgang að. Umhverfisvernd, heimspólitík og hryðjuverk fléttast saman í þessari ótrúlegu sögu.

UMSÖGN: Þorkell og Örn Marinó hafa unnið að þessari mynd árum saman og ferðast víða um heim. Myndin var frumsýnd á Tribeca kvikmyndahátíðinni í New York í vor og fór í kjölfarið á Hot Docs heimildamyndahátíðina í Toronto. Hún vakti mikla athygli á báðum stöðum og hefur hlotið umtalsverða umfjöllun fjölmiðla.

  • DAGSKRÁ: Haustbíódagar Græna ljóssins 2010
  • SÝND FRÁ: 12. nóvember

Inside Job

  • Tegund og ár: Heimildamynd, 2010
  • Lengd: 120 mín.
  • Land: Bandaríkin
  • Stjórnandi: Charles Ferguson

Efni: Inside Job fjallar á ítarlegan hátt um efnahagshrunið árið 2008, sem kostaði meira en 20 trilljónir Bandaríkjadala og olli því að milljónir manna misstu vinnuna og heimili sín í verstu niðursveiflu í efnahagskerfi heimsins síðan kreppan mikla reið yfir á þriðja áratug síðustu aldar. Myndin er byggð á ítarlegum rannsóknum og viðtölum við aðila úr lykilstöðum í fjármálalífi, stjórnmálalífi, fjölmiðlum og háskólum heimsins. Hún var tekin upp á Íslandi, í Bandaríkjunum, Englandi, Frakklandi, Singapúr og Kína.

Umsögn: Inside Job er einhver umtalaðasta mynd ársins og hefur hlotið einróma lof gagnrýnenda. Meðal þess sem sérstaklega er tekið fyrir í myndinni er íslenska efnahagshrunið.

  • DAGSKRÁ: Haustbíódagar Græna ljóssins 2010
  • SÝND FRÁ: 12. nóvember

Armadillo

  • Tegund og ár: Heimildamynd, 2010
  • Lengd: 100 mín.
  • Land: Danmörk, Svíþjóð
  • Stjórnandi: Janus Metz Pedersen

Efni: Armadillo fjallar um stríðið í Afganistan með algjörlega nýjum hætti. Myndin var frumsýnd á kvikmyndahátíðinni í Cannes nú í vor og vakti strax mjög hörð viðbrögð. Í myndinni fylgir leikstjórinn Janus Metz dönsku hermönnunum, Mads og Daniel, um Helmand-héraðið. Þeir hafa bækistöðvar í herstöðinni Armadillo þar sem hart er barist við liðsmenn Talibana. Smátt og smátt láta Mads og Daniel stríðið ná tökum á sér og í kjölfarið framkvæma þeir hluti sem vakið hafa hneykslun í Danmörku, bæði meðal almennings og háttsettra embættis- og stjórnmálamanna.

Umsögn: Þessi verðlaunamynd frá síðustu Cannes hátíð hefur fengið gríðarlega aðsókn í Danmörku.

  • DAGSKRÁ: Haustbíódagar Græna ljóssins 2010
  • SÝND FRÁ: 12. nóvember

GasLand

  • Tegund og ár: Heimildamynd, 2010
  • Lengd: 107 mín.
  • Land: Bandaríkin
  • Stjórnandi: Josh Fox

Efni: GasLand fjallar um það hvernig olíuiðnaðurinn í Bandaríkjunum hefur lagt heilu þorpin í rúst og eyðilagt vatnsból þúsunda manna með borunum eftir gasi undanfarin ár. Stjórnandinn, Josh Fox, fór víða um Bandaríkin til að skoða hvernig gasborunum væri háttað og hitti fyrir fólk sem þjakað er af heilsufarsvandamálum vegna mengunar vatnsbóla af völdum slíkra borana. Í sumum tilfellum gat fólk kveikt í drykkjarvatni sínu! Fox fór einnig til Washington og ræddi við þingmenn og fólk í stjórnkerfinu um þetta eldfima mál.

Umsögn: Myndin hlaut verðlaun dómnefndar á síðustu Sundance hátíð og hefur að auki hlotið mörg önnur verðlaun. Hún er um þessar mundir sýnd á kvikmyndahátíðum víðsvegar um heim.

  • DAGSKRÁ: Haustbíódagar Græna ljóssins 2010
  • SÝND FRÁ: 12. nóvember

Freakonomics

  • Tegund og ár: Heimildamynd, 2010
  • Lengd: 85 mín.
  • Land: Bandaríkin
  • Stjórnendur: Heidi Ewing, Alex Gibney, Seth Gordon, Rachel Grady, Eugene Jarecki, Morgan Spurlock

Efni: Byggð á samnefndri metsölubók þar sem mannlífið er skoðað í óvenjulegu ljósi út frá sjónarhorni hagfræðinnar.

Umsögn: Sex af frumlegustu stjórnendum heimildamynda í heiminum sameinast hér í að koma einni vinsælustu bók síðari ára upp á hvíta tjaldið. Hver leikstjóri tekur að sér sinn uppáhaldskafla úr bókinni en þeir eiga að baki eftirfarandi snilldarmyndir: Super Size Me, Jesus Camp, Enron: The Smartest Guys in the Room, Why We Fight, The King of Kong.

  • DAGSKRÁ: Haustbíódagar Græna ljóssins 2010
  • SÝND FRÁ: 12. nóvember

I’m Still Here: The Lost Years of Joaquin Phoenix

  • Tegund og ár: Heimildamynd, 2010
  • Lengd: 108 mín.
  • Land: Bandaríkin
  • Stjórnandi: Casey Affleck

Efni: Heimildarmyndin I’m Still Here: The Lost Year of Joaquin Phoenix fjallar um árið 2009 í lífi leikarans Joaquins Phoenix. Þetta var árið þar sem hann hætti að leika og gerðist rappari. Þetta var árið þar sem hann virtist hafa misst vitið! Flestir telja að um eitt stórt grín sé að ræða, en þeir sem hafa séð myndina klóra sér í hausnum þar sem myndin er svo gróf að margir efast um að nokkur maður myndi grínast með það sem kemur fram í myndinni.

  • DAGSKRÁ: Haustbíódagar Græna ljóssins 2010
  • SÝND FRÁ: 12. nóvember

Kvikmyndir
Engin skoðun á “Haustbíódagar 2010: Sjö heitustu heimildamyndir ársins”

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.