Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
Edduverðlaunin 2011

Edduverðlaunin 2011

Feb 09, 2011 Engin skoðun

Bíó Paradís sýnir dagana 11.-17. febrúar þær kvikmyndir sem tilnefndar eru til Eddunnar, íslensku kvikmynda- og sjónvarpsverðlaunanna, 2011 í flokkunum Bíómynd ársins, Heimildamynd ársins og Stuttmynd ársins. Myndirnar sem sýndar verða eru: Brim, The Good Heart, Órói, Með hangandi hendi, Future of Hope, Gnarr, Feathered Cocaine, Höllin, Clean, In a Heartbeat og Knowledgy.

Myndirnar eru eingöngu sýndar vikuna 11.-17. febrúar.

Brim

 

  • Tegund og ár: Leikin mynd, 2010
  • Lengd: 90 mín.
  • Leikstjóri: Árni Ólafur Ásgeirsson
  • Aðalhlutverk: Ingvar E. Sigurðsson, Nína Dögg Filippusdóttir, Gísli Örn Garðarsson, Ólafur Egilsson, Björn Hlynur Haraldsson, Ólafur Darri Ólafsson

 

Efni: Kvikmyndin Brim segir frá því þegar ung kona ræður sig sem háseta á fiskveiðibát þar sem fyrir er harðger og samheldinn hópur karla. Smám saman kemur í ljós að plássið sem hún fékk losnaði vegna hörmulegra atburða og vera hennar um borð fer illa í áhöfnina. Í innbyrðis átökum og baráttu við náttúröflin þarf þessi sundurleiti hópur að standa saman og mæta örlögum sínum í sjóferð sem tekur óvænta stefnu.

Órói

 

  • Tegund og ár: Leikin mynd, 2010
  • Lengd: 98 mín.
  • Leikstjóri: Baldvin Z
  • Aðalhlutverk: Atli Óskar Fjalarsson, Hreindís Ylfa Garðarsdóttir, Haraldur Ari Stefánsson, Birna Rún Eiríksdóttir, Elías Helgi Kofoed-Hansen, María Birta Bjarnadóttir

 

Efni: Órói er mynd um unglinga sem eru að stíga sín fyrstu skref í heimi hinna fullorðnu. Myndin er byggð á bókum Ingibjargar Reynisdóttur “Strákarnir með strípurnar” og “Rótleysi, rokk og rómantík” sem hafa notið mikilla vinsælda hér á landi.

The Good Heart

  • Tegund og ár: Leikin mynd, 2009
  • Lengd: 95 mín.
  • Leikstjóri: Dagur Kári
  • Aðalhlutverk: Brian Cox, Paul Dano, Isild Le Besco

Efni: Lucas er heimilislaus ungur maður sem býr í pappakassa undir Brooklyn brúnni. Hann er kominn á endastöð í lífinu, en tilraun hans til að svipta sig lífi hefur mistekist. Á spítalanum kynnist Lucas Jacques, geðstirðum bareiganda sem hefur fengið fimm hjartaáföll vegna óheilbrigðs lífernis. Þar sem hann á ekki langt eftir og enga fjölskyldu, tekur bareigandinn Lucas undir sinn verndarvæng með það í hyggju að láta hann reka barinn eftir sinn dag. Allt gengur samkvæmt áætlun þar til drukkin flugfreyja, April, gengur inn á barinn.

Umsögn: Önnur mynd Dags Kára er á ensku með leikurum af ýmsum þjóðernum og er myndin metnaðarfyllsta verk leikstjórans hingað til. Dagur Kári velur að blanda saman tveimur andstæðum stílum: “arthouse” og “sitcom”. “Ég er mjög hrifinn af “sitcom” eða gamanþáttaforminu. Að vera fastur í endalausri lykkju með uppáhalds persónunum þínum í skýrt afmörkuðu söguumhverfi. Ég er einnig hrifinn af arthouse-kvikmyndum og sveigjanlegri uppbyggingu þeirra. Frá fagurfræðilegu sjónarmiði er gamanþáttaröðin (sitcom) oftast í litlum gæðum en arthouse-kvikmyndir taka sig aftur á móti of alvarlega. Markmið mitt var að sjóða saman seið úr því sem mér líkar best í þessum kvikmyndastílum, að blanda saman kímni og ljóðrænu, kómedíu og tragedíu”, segir Dagur Kári.

Myndin var frumsýnd á alþjóðlegu kvikmyndahátíðinni í Torontó 2009. Hún hefur verið sýnd í kvikmyndahúsum á Íslandi, í Frakklandi, Póllandi, Bandaríkjunum og Spáni, og hefur unnið til fjölmargra verðlauna, svo sem Kodak Nordic Vision Award fyrir myndatöku (Rasmus Videbæk) á alþjóðlegu kvikmyndahátíðinni í Gautaborg 2010.

Með hangandi hendi

 

  • Tegund og ár: Heimildamynd, 2010
  • Lengd: 90 mín.
  • Stjórnandi: Árni Sveinsson

 

EFNI: Myndin fjallar um feril eins ástsælasta söngvara Íslands, Ragga Bjarna, sem hefur sungið sig inn í hjörtu landsmanna í yfir 60 ár og spannar ferill hans nánast alla sögu íslenskrar dægurtónlistar. Um leið og farið er yfir feril hans, er fylgst með undirbúningi hans fyrir stórtónleika í Laugardalshöll til að fagna 75 ára afmæli sínu. Þó árin hafi færst yfir er hann enn ungur í anda enda tekur Raggi lífinu létt og hefur kímnigáfuna í lagi.

UMSÖGN: Leikstjórinn Árni Sveinsson hefur fylgt Ragga eftir síðastliðin tvö ár til að varpa ljósi á manninn á bak við þennan goðsagnakennda og síunga rokkara. Lögin hans Ragga þekkja vel flestir, bæði ungir sem aldnir; Rokk og cha cha cha, Vorkvöld í Reykjavík, Flottur jakki og lagið Vertu ekki að horfa svona alltaf á mig sem hefur jafnan verið kallað „Þjóðsöngurinn“, svo fáein lög séu nefnd. Það má því með sanni segja að tónlistin hans sameini kynslóðirnar.

Í dag skemmtir hann mjög fjölbreyttum hópi fólks; allt frá eldri borgurum á Hrafnistu til yngstu kynslóðarinnar á Þjóðhátíð í Eyjum – og öllum þar á milli. En Raggi á sér fleiri hliðar en þá hlið sem við sjáum oftast. Hann er fjölskyldumaður og hefur fengist við ýmislegt annað en tónlist; hefur m.a. rekið bæði bílaleigu og sjoppu.

Í myndinni koma fram margir af samstarfsmönnum Ragga í gegnum tíðina; Ómar Ragnarsson, Guðmundur Steingrímsson, Páll Óskar Hjálmtýsson, Þorgeir Ástvaldsson svo einhverjir séu nefndir.

Með hangandi hendi var forsýnd á alþjóðlegu kvikmyndahátíðinni RIFF í september og fékk frábærar viðtökur, t.a.m. fékk hún 5 stjörnur í dómi Fréttablaðsins þar sem segir m.a.: „Í raun virkar Með hangandi hendi svo vel sem heild að vandséð er hvernig gera hefði mátt betur og ómögulegt annað en að gefa myndinni hæstu einkunn. Glæsilega að verki staðið.“ ( K.G.-Fréttablaðið, 5.okt. 2010).

Gnarr

 

  • Tegund og ár: Heimildamynd, 2010
  • Lengd: 94 mín.
  • Stjórnandi: Gaukur Úlfarsson

 

EFNI: Jón Gnarr hefur oft velt því fyrir sér hvort hægt sé að gera grín að öllu. Er t.d. viðeigandi að gera grín af jafn háalvarlegum hlut og pólitík á tímum sem þessum? Niðurstaða hans var að á svona tímum þurfum við einmitt að geta hlegið og skemt okkur. Óhætt er að segja að engan hafi órað fyrir þeim atburðum sem áttu sér stað í kjölfar þeirra niðurstöðu. Í hálft ár var Jóni fylgt eftir af kvikmyndatökumönnum hvert sem hann fór og hvað sem hann gerði. Hér fá áhorfendur að skyggnast á bak við tjöldin og ekkert er dregið undan, allt er látið flakka og stjórnmálamenn sem og aðrir leiðindapúkar fá hér rækilega á baukinn.

Höllin

 

  • Tegund og ár: Heimildamynd, 2010
  • Lengd: 52 mín.
  • Stjórnandi: Héðinn Halldórsson

 

EFNI: Heimildamyndin Höllin fangar andrúmsloftið í einni af þekktari byggingum Reykjavíkur, Sundhöll Reykjavíkur, sem hefur í áratugi verið athvarf eldri borgara sem búa í nágrenninu. Vegna stórs hóps tryggra fastagesta og hás starfsaldurs starfsmanna Hallarinnar, eru skilin milli gesta og starfsmanna óskýr. Myndin er heimild um tíma og fólk sem brátt nýtur ekki lengur við. Hún gefur áhorfandanum líka þá tilfinningu að tíminn í Höllinni standi kyrr, að þar sé annar heimur. Myndin er því saga um venjur og endurtekningu. Sögumenn okkar, starfsfólk og gestir, eru sál hússins og myndin sjálf er óður til Hallarinnar og þess fólks sem á Höllina fyrir griðastað. Áhorfandinn kynnist fólkinu, sögum þess og sýn á lífið, og af hverju það sækir Höllina. Sagan er knúin áfram af persónunum sjálfum sem við hittum fyrir þegar við föngum hvunndaginn í Höllinni.

Feathered Cocaine

 

  • Tegund og ár: Heimildamynd, 2010
  • Lengd: 79 mín.
  • Stjórnendur: Þorkell S. Harðarsson, Örn Marinó Arnarson

 

EFNI: Olíufurstarnir í Persaflóanum eru helteknir af veiðifálkum og borga allt að einni milljón dollara fyrir góðan fugl. En það eru fleiri en olíufurstarnir sem stunda fálkaveiðar: Osama Bin Laden er heltekinn fálkaveiðimaður og notar fálkana til fjármögnunar Al-Qaeda. Fiðruð fíkn skyggnist inn í lokaðan heim sem örfáir aðilar í veröldinni hafa haft aðgang að. Umhverfisvernd, heimspólitík og hryðjuverk fléttast saman í þessari ótrúlegu sögu.

UMSÖGN: Þorkell og Örn Marinó hafa unnið að þessari mynd árum saman og ferðast víða um heim. Myndin var frumsýnd á Tribeca kvikmyndahátíðinni í New York í vor og fór í kjölfarið á Hot Docs heimildamyndahátíðina í Toronto. Hún vakti mikla athygli á báðum stöðum og hefur hlotið umtalsverða umfjöllun fjölmiðla.

Future of Hope

  • Tegund og ár: Heimildamynd, 2010
  • Lengd: 79 mín.
  • Stjórnendur: Henry Bateman, Heather Millard

Efni: Myndin fjallar um sjálfbærni á Íslandi, og er Ísland skoðað eftir hrun, sem smækkuð mynd af heiminum sem við lifum í. Fjallað er um endurnýjanlega orkugjafa og nýjustu rannsóknir í þeim efnum, lífræna ræktun, nýsköpun og frumkvöðlamennsku.

Clean

  • Tegund og ár: Stuttmynd, 2010
  • Lengd: 10 mín.
  • Leikstjóri: Ísold Uggadóttir

Efni: Myndin segir af Natalie, danskennara fyrir aldraða, sem berst við að halda andlitinu gagnvart umhverfi sínu, þrátt fyrir leyndan vanda sem senn verður henni ofviða.

Knowledgy

  • Tegund og ár: Stuttmynd, 2010
  • Lengd: 18 mín.
  • Leikstjórar: Hrefna Hagalín, Kristín Bára Haraldsdóttir

Efni: Michael frá Nýfundnalandi stundar nám í kvikmyndaskóla og leigir herbergi hjá pari í Reykjavík. Parið ætlar að ganga í bandarískan sértrúarsöfnuð og kallar til hjón frá Los Angeles. Michael fær leyfi til að gera heimildarmynd um innvígsluferlið sem hefur skrýtnar afleiðingar.

In a Heartbeat

  • Tegund og ár: Stuttmynd, 2010
  • Lengd: 7:30 mín.
  • Leikstjóri: Karolina Lewicka

Efni: Níu ára stúlka öðlast kjark til að standa upp í hárinu á yfirgangsseggjum.

Smellið hér til að sjá stiklu: http://www.imdb.com/video/wab/vi3368093209/

Evrópa, Ísland, Kvikmyndir
Engin skoðun á “Edduverðlaunin 2011”

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.