Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
Þýskir kvikmyndadagar 17.-27. mars

Þýskir kvikmyndadagar 17.-27. mars

Mar 14, 2011 Engin skoðun

Það er okkur sérstök ánægja að kynna Þýska kvikmyndadaga frá 17.-27. mars í samvinnu við RIFF, Goethe Institut, Sjónlínuna, Kötlu Travel, Sendiráð Þýskalands á Íslandi, Þýsk-íslenska verslunarráðið, Stofnun Vigdísar Finnbogadóttur í erlendum tungumálum og RÚV.

Flestar myndirnar fjalla á einn eða annan hátt um ungt fólk á krossgötum. Opnunarmyndin er Poll (Dagbækurnar frá Poll) eftir Chris Kraus en sérstök dagskrá verður með myndum hans. Kraus hlaut verðlaun á RIFF 2007 fyrir kvikmyndina Vier Minuten (Fjórar mínútur).

Alls verða sýndar tíu nýjar og nýlegar myndir frá þessu forna kvikmyndaveldi, sem á undanförnum árum hefur gengið í gegnum hressilega endurnýjun lífdaganna. Myndirnar eru sýndar með enskum texta.

Sýningartíma má finna hér.

Þú getur flett dagskrá Þýskra kvikmyndadaga hér:

Der Mann der über Autos sprang (Maðurinn sem stökk yfir bíla)

 

  • Tegund og ár: Leikin mynd, 2010
  • Lengd: 105 mín.
  • Leikstjóri: Nick Baker-Monteys
  • Aðalhlutverk: Robert Stadlober, Jessica Schwarz og Peter Becker
  • Texti: Enskur

 

Efni: Ungur maður trúir því að með því að labba frá Berlín til Stuttgart geti hann læknað föður vinar síns sem þjáist af hjartasjúkdómi.

Die Fremde (Hinir ókunnugu)

 

  • Tegund og ár: Leikin mynd, 2010
  • Lengd: 119 mín.
  • Leikstjóri: Feo Aladag
  • Aðalhlutverk: Sibel Kekilli, Nizam Schiller og Derya Alabora
  • Texti: Enskur

 

Efni: Umay er ung kona af tyrkneskum uppruna sem berst fyrir því að fá að lifa sjálfstæðu lífi í Þýskalandi gegn vilja fjölskyldu sinnar. Barátta hennar leiðir til mikilla átaka innan fjölskyldunnar og setur líf hennar í hættu.

Lila, Lila

  • Tegund og ár: Leikin mynd, 2009
  • Lengd: 104 mín.
  • Leikstjóri: Alain Gsponer
  • Aðalhlutverk: Daniel Brühl, Hannah Herzprung og Henry Hübchen
  • Texti: Enskur

Efni: Gamanmynd um þjónin David sem finnur óútgefið handrit í kommóðuskúffu. Til að ganga í augun á stúlku heldur David því fram að hann sé höfundur handritsins. Þegar handritið verður að metsölubók birtist raunverulegur höfundur þess og byrjar að taka yfir líf David. Íslandsvinurinn Daniel Brühl fer með aðalhlutverk.

Renn, wenn Du kannst (Hlauptu ef þú getur)

 

  • Tegund og ár: Leikin mynd, 2010
  • Lengd: 112 mín.
  • Leikstjóri: Dietrich Brüggemann
  • Aðalhlutverk: Robert Gwisdek, Jacob Matschenz og Anna Brüggemann
  • Texti: Enskur

 

EFNI: Ben þarf að eyða restinni af ævinni í hjólastól. Ástin er ekki inni í myndinni fyrir fatlað fólk, tjáir hann Christian, sjálfboðaliða sem aðstoðar hann við dagleg störf. Annika er að læra að spila á selló og Ben fylgist með henni hjóla fram hjá íbúðinni sinni á hverjum degi. Það er ekki fyrr en Christian rekst á Anniku fyrir utan íbúðina að þau þrjú kynnast, verða vinur og loks ástfanginn. Þessi ástarþríhyrningur á eftir að reyna að vináttu þeirra allra.

Sascha

 

  • Tegund og ár: Leikin mynd, 2010
  • Lengd: 102 mín.
  • Leikstjóri: Dennis Todorovic
  • Aðalhlutverk: Sascha Kekez, Predrag Bjelac og Ljubisa Gruicic
  • Texti: Enskur

 

EFNI: Sasha er miður sín þegar píanókennarinn hans, herra Weber, segir honum að hann sé að yfirgefa bæinn fyrir fullt og allt. Sasha er í ástarsorg  og eina manneskjan sem hann getur treyst fyrir tilfinningum sínum er Jiao, besta vinkona hans. Sasha er ánægður með að pabbi hans, sem haldinn er mikilli hommafóbíu, haldi að Jiao sé kærastan hans. Málin flækjast hins vegar svo um munar þegar yngri bróðir Sasha byrjar í ástarsambandi með Jiao.

Goethe!

 

  • Tegund og ár: Leikin mynd, 2010
  • Lengd: 100 mín.
  • Leikstjóri: Philipp Stölzl
  • Aðalhlutverk: Alexander Fehling, Miriam Stein og Moritz Bleibtreu
  • Texti: Enskur

 

EFNI: Mótunarár hins þýska höfuðskálds fá hér skemmtilega meðferð. Áður en Johann Wolfgang von Goethe skrifaði Raunir Werthers unga, einhverja áhrifamestu bók um ástarflækjur og sorgir sem skrifuð hefur verið, gekk hann sjálfur í gegnum eldskírn sem er viðfangsefni þessarar myndar. Hinn ungi Goethe slær slöku við í náminu og fær sér vinnu hjá dómara. Hann heldur áfram að skrifa gegn vilja föður síns og dag einn hittir hann hina dásamlegu Lotte. Ástarbál blossar upp á milli þeirra en vandinn er sá að hún hefur verið lofuð öðrum. Þessi uppákoma átti eftir að breyta gangi bókmenntasögunnar.

Im Winter ein Jahr (Í fyrravetur)

 

  • Tegund og ár: Leikin mynd, 2008
  • Lengd: 129 mín.
  • Leikstjóri: Caroline Link
  • Aðalhlutverk: Karoline Herfurth, Josef Bierbichler og Corinna Harfouch
  • Texti: Enskur

 

Poll (Dagbækurnar frá Poll)

 

  • Tegund og ár: Leikin mynd, 2010
  • Lengd: 129 mín.
  • Leikstjóri: Chris Kraus
  • Aðalhlutverk: Paula Beer, Edgar Selge og Tambet Tuisk
  • Texti: Enskur

 

EFNI: Oda, ung stúlka af þýskum aðalsættum, snýr aftur til ættaróðals fjölskyldunnar við Eystrarsaltið eftir lát móður sinnar. Fyrri heimstyrjöldin er skammt undan. Oda rekst á ungan og særðan eistneskan stjórnleysingja og ákveður að hjúkra honum með leynd, vitandi um áhættuna sem fylgir.

Scherbentanz (Glerbrot)

 

  • Tegund og ár: Leikin mynd, 2002
  • Lengd: 95 mín.
  • Leikstjóri: Chris Kraus
  • Aðalhlutverk: Jürgen Vogel, Nadja Uhl og Margit Carstensen
  • Texti: Enskur

 

EFNI: Jesko er með krabbamein og aðeins beinmergur móður hans getur bjargað honum. Vandinn er að hún truflaðist á geði 20 árum fyrr, yfirgaf Jesko og gerðist dópisti.

Vier Minuten (Fjórar mínútur)

 

  • Tegund og ár: Leikin mynd, 2006
  • Lengd: 112 mín.
  • Leikstjóri: Chris Kraus
  • Aðalhlutverk: Hannah Herzsprung, Monica Bleibtreu og Vadim Glowna
  • Texti: Enskur

 

EFNI: Örlög tveggja kvenna flækjast saman í sögu sem vekur upp spurningar um tilgang lífsins, frelsi, köllun og hæfileika. Fortíð beggja geymir leyndarmál sem hafa mótað þær og fjötrað.

Evrópa, Kvikmyndir, Þýskaland
Engin skoðun á “Þýskir kvikmyndadagar 17.-27. mars”

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.