HKL (Anti-American Wins Nobel Prize)

• Tegund og ár: Heimildamynd, 2011
• Lengd: 58 mín.
• Land: Ísland
• Stjórnandi: Halldór Þorgeirsson
• Spyrill og þulur: Haukur Ingvarsson
• Tónlist: Tómas R. Einarsson
• Framleiðandi: Kvikmyndafélagið Umbi
• Dagskrá: Nýjar myndir
• Sýnd frá: 9. desember 2011

EFNI: Halldór Laxness er kominn heim eftir að tilkynnt hefur verið að hann muni hljóta Nóbelsverðlaunin árið 1955. Á hafnarbakkanum hefur Alþýðusamband Íslands og BÍL skipulagt móttöku og hafa þúsundir manns flykkst niður á höfn að hylla hann. Hvernig stendur á því að þessi 53 ára gamli höfundur sem skrifar á íslensku og tilheyrir örsmárri þjóð hefur fengið þessi verðlaun? Hvernig hefur það gerst að þessi maður af þjóð sem taldi innan við 80 þúsund manns er hann fæddist og ólst upp í sveit og stundaði einungis nám í menntaskóla í einn vetur stendur nú þarna heimsvanur og siðfágaður?  – Og hvers vegna eru engir fulltrúar íslenskra stjórnvalda á bryggjunni að taka á móti honum?

UMSÖGN: Í HKL er fjallað um pólitískar skoðanir Halldórs Laxness og hvernig þær mótuðu hann sem rithöfund, en sviptu hann svo stórum tækifærum seinna í lífinu. En meðal þess sem fjallað er um í myndinni er ,,svart-listun” Halldórs í Bandaríkjunum, en þrátt fyrir gífurleg velgengni voru bækur Halldórs ekki fáanlegar í Ameríku, í fyrr en á tíunda áratugnum.

Meðal viðmælanda eru þýski rithöfundurinn Gunther Grass; Chay Lemoine prófessor sem barist hefur fyrir því að fá skjöl birt um Halldór frá CIA og FBI; Jane Smiley rithöfundur sem fannst undarlegt að bækur Halldórs fengjust aðeins í fornbókabúðum vestanhafs og Brad Leithouser skáld og prófessor sem kynntist Halldóri í kringum 1988 og skrifaði grein í New York Times, þar sem spurt var hvers vegna Laxness fengist ekki í Bandaríkjunum, nema fyrir offjár í fornbókabúðum.