BÍÓ:DOX: Girl Model
Í lok október hefjast mánaðarleg heimildamyndakvöld undir heitinu BÍÓ:DOX þar sem sýndar verða nýjar og spennandi heimildamyndir sem vakið hafa athygli. Umræður með þátttöku sérfróðra fylgja í kjölfar frumsýningar. Hver mynd verður frumsýnd á miðvikudegi kl. 20 og einnig á laugardegi og sunnudegi. Umsjón með BÍÓ:DOX hefur Brynja Dögg Friðriksdóttir en einnig koma nemendur í Háskóla Íslands að framkvæmdinni.
_____________________________________________________________________________________________
- Tegund og ár: Heimildamynd, 2011
- Lengd: 74 mín.
- Land: Bandaríkin
- Stjórnandi: David Redmon, Ashley Sabin
- Dagskrá: BÍÓ:DOX
- Sýnd: 24., 27. og 28. október 2012
EFNI: Myndin fjallar um fyrirsætuiðnaðinn og er skoðun á heimi sem skilgreindur er út frá glerveggjum og ljósmyndalinsum. Hún varpar ljósi á ólíkar útgáfur raunveruleika þeirra ungu stúlkna sem starfa í iðnaðinum. Því meira sem við kynnumst þessum heimi fer hann æ ríkari mæli að líkjast speglaborg, þar sem ekki er allt sem sýnist, skynjunin brenglast og engin skýr leið finnst út úr honum.
Þrátt fyrir skort á augljósri tenginu á milli Síberíu og Tókýó, tengir sífellt stækkandi módeliðnaðurinn þessa ólíku staði saman. Girl Model fylgir eftir tveimur aðalpersónum sem tengdar eru módeliðnaðinum: Ashley, sem leitar eftir ferskum andlitum í Síberísku sveitinni til að senda á japanska módelmarkaðinn og Nadyu, þrettán ára stúlku sem Ashley uppgötvaði í Síberíu og sendi til Tókýó með loforðum um arðbæran módelferil. Eftir að hafa uppgötvað Nadýu hittast þær Ashley sjaldan, en sögur þeirra eru tengdar órjúfanlegum böndum. Á meðan bjartsýni Nadýu á að bjarga fjölskyldu sinni úr fjárkröggum vex, verða draumar hennar í enn meiri mótsögn við sýn Ashley á hin eyðandi áhrif iðnaðarins. Mun Nadýa og aðrar stúlkur eins og hún geta fundið einhvern sem aðstoðar þær við að læra á þetta völundarhús, eða munu þær feta sömu braut og Ashley sem hefur lært aðferðir völundarhússins en er ófær um að sleppa undan aðdráttaraflinu sem þessum heimi fylgir?
UMSÖGN: Eftir frumsýningu myndarinnar verða umræður um myndina og módelbransann. Hópur sem samanstendur af einstaklingum sem öll hafa mikla reynslu og þekkingu á módelbransanum verður á staðnum til að ræða myndina og svara spurningum, þau Ásta Kristjánsdóttir fyrrum eigandi Eskimo Models, Sveinn Speight ljósmyndari, Þórhildur Þorkelsdóttir stílisti, Arnar Gauti Sverrisson eigandi Elite Fashion Academy og Kolfinna Kristófersdóttir fyrirsæta.
