Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
Kúbönsk kvikmyndavika

Kúbönsk kvikmyndavika

Nov 12, 2013 Engin skoðun

Við kynnum með stolti Kúbanska kvikmyndaviku í Bíó Paradís dagana 21. – 26. nóvember. Sýndar verða sex nýlegar kvikmyndir, allar með enskum texta. Kúbanir hafa framleitt töluvert af kvikmyndum síðan 1960, sérstaklega fyrstu árin eftir byltingu og síðustu tvo áratugi samfara endurmati á ýmsu sem aflaga hafði farið á Kúbu. Ein þeirra var kvikmynd Tomás Gutiérrez Aléas, Jarðaber og súkkulaði (1994) sem tilnefnd var til Óskarsverðlaunanna.

Kúbönsk kvikmyndavika pdf. dagskrá

el_benny2Benny Moré
Jorge Luis Sánchez • 2006 • El Benny • Lengd 120 mín.
Leikin mynd sem fjallar um líf og störf Benny Moré, eins þekktasta söngvara Kúbu á sjötta áratug síðustu aldar. Í myndinni eru nýjar útgáfar söngva hans fluttar af m.a. Chucho Valdés, Juan Formael (Los VanVan), Orishas og Haila. Myndin hlaut verðlaun á New Latin American Cinema hátíðinni í Havana í desember 2006. Myndin hlaut fyrstu verðlaun á Festival de Cine Pobre Humberto Solás 2009.
Á undan sýningu kl. 19: Sýning, Salsa Iceland. Eftir sýningu kl. 22: Opnunarhátíð. Fimmtudag 21.11. kl. 20 og laugardag 23.11. kl. 22.

cartel-poster-ciudad-rojoHáskaborg
Rebecca Chávez • 2009 • Ciudad en Rojo • Lengd 90 mín.
Sólarhringur í Santíagóborg í lok sjötta áratugarins. Á yfirborðinu virðist allt ganga sinn vanagang, en herinn þrammar um göturnar og enginn er öruggur. Banatilræði og grimmileg hefnd skiptast á – stuðningur við skæruliða er mikill, einkum meðal ungs fólks. En hvaða áhrif hefur það á sjálfa manneskjuna að beita ofbeldi – þótt það sé í þágu góðs málstaðar? Fyrsta mynd Rebecca Chávez, kvikmyndagagnrýnanda og heimildarmyndagerðarkona. Hún tók þátt á andspyrnuhreyfingunni gegn Batista á sínum yngri árum. Myndin var valin til sýningar á kvikmyndahátíðinni í Montreal 2009 og byggir á skáldsögunni Bertillión 166, sem hlaut bókmenntaverðlaun Casa de Las Americas árið 1960. Föstudag 22.11. kl. 20. Bönnuð innan 16 ára.

???????Stóri vinningurinn
JC Cremata & Iraida Malberti • 2008 El Premio Flaco • Lengd 100 mín.
Iluminada, hin góðhjartaða býr ásamt óhefluðum eiginmanni sínum í fátækrahverfi í Havana fyrir byltingu. Hún dettur í lukkupottinn þegar hún vinnur i happdætti – eða hvað…? Tragíkómísk mynd um það sem gerist þegar allt breytist skyndilega og að það mikilvægasta í lífinu, þegar á reynir, er að sleppa aldrei hendinni af hinu góða. Myndin hlaut verðlaun á Alþjóðlegu kvikmyndahátíðinni í Havana 2010. Laugardag 23.11 kl. 20.

HabanastationHavanastöðin
Ian Padrón • 2011 • Habanastation • Lengd 95 mín.
Glaður og vel upp alinn drengur býr við allsnægtir, í að því er virðist fullkominni fjölskyldu. Pabbinn er jass-tónlistarmaður á alþjóðavísu, mamman upptekin stjórnandi. Í bekknum hans er strákur úr fátæku hverfi sem amman sér um, mamman er dáin og pabbinn í fangelsi. Leiðir þeirra skarast. Þetta er kvikmynd fyrir ungt fólk á öllum aldri sem snertir viðkvæman streng í kúbönsku samfélagi. Myndin nýtur mikillar hylli á Kúbu, en hún er að hluta sjálfsævisaga leikstjórans, Padrón. Myndin hlaut verðlaun m.a. á Festival de Cine Pobre Humberto Solás 2012 og Traverse International Film Festival í Michigan 2012. Sunnudag 24.11. kl. 20.

desanparadosParadísarmiði
Gerardo Chijona • 2010 • Boleto al Paraíso • Lengd 88 mín.
Snemma á tíunda áratugnum flýr táningsstelpa smábæinn og stjórnsaman pabba sinn og kemst með aðstoð nokkurra kúbanskra þungarokkara til Havana. Ekki hefur verið gerð kvikmynd áður um þennan kúbanska menningarafkima sem er falinn. Hún kafar ofan í ókunna hluta Havanaborgar þar sem aðrir ráða ríkjum. Jafnvel þar er rómantíkin – vonlaus ástarsaga sem endar á Los Cocos; AIDS-sjúkrahúsinu.
Myndin hlaut verðlaun á Festival de Biarritz – Cinémas et Culture d’Amerique Latin og á Kvikmyndahátíðinni í Havana, New York 2010 og Premio Goya 2011. Mánudag 25.11. kl. 20.

casa_viejaGamla húsið
Lester Hamlet 2010 • Casa vieja • Lengd 95 mín.
Eftir 14 ár á Spáni snýr Esteban aftur til Kúbu þar sem faðir hans liggur fyrir dauðanum. Fjölskylduharmleikur í þremur þáttum; þrír dagar þar sem þrjú systkini hittast: Esteban hinn gáfaði arkitekt, byltingarsinninn og myndhöggvarinn Diego og dóttirin Laura sem býr heima. Þau fylgja föður sínum til grafar og rifja upp gömul sárindi, horfna drauma og leyndarmál. Myndin hlaut verðlaun á Alþjóðlegu kvikmyndahátíðinni í Havana, Nuevo Cine Latinoamericano og Festival de Cine Pobre Humberto Solás 2010 ásamt hátíðinni í Malaga 2011. Þriðjudag 26.11 kl. 20.

Fimmtudagur, 21. nóvember

kl 19:00 Salsa Iceland – sýning

kl. 20: Benny Moré • El Benny (Opnunarmynd)

kl. 22: Opnunarhátíð

Föstudagur, 22. nóvember

kl. 20: Háskaborg • Ciudad en Rojo
(16 ára aldurstakmark)

Laugardagur, 23. nóvember

kl. 20: Stóri vinningurinn • El Premio flaco

kl. 22: Benny Moré • El Benny (Endursýning)

Sunnudagur, 24. nóvember

kl. 20: Havanastöðin • Habanastation

Mánudagur, 25. nóvember

kl. 20: Paradísarmiði • Boleto al Paraíso
(Aldurstakmark)

Þriðjudagur, 26. nóvember

kl. 20: Gamla húsið • Casa vieja

Fréttir/pistlar, Kúba, Kvikmyndir
Engin skoðun á “Kúbönsk kvikmyndavika”

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.