Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
Opnun Hverfisgötu

Opnun Hverfisgötu

Feb 26, 2014 Engin skoðun

Dagskrá opnunarhátíðar Hverfisgötu:

kl. 14:00  Skrúðganga frá Bíó Paradís – gengið að Frakkastíg, þaðan að Klapparstíg og endað við Bíó Paradís –

Sirkusfólk ekur um hjólastíga á freistandi Lukku-hjóli sem hægt er að festa á eigin miða!

Lúðrasveit Samma “fönkar” upp karnival-stemninguna

Tilvalið  að hita upp Öskudags-grímubúningana með þátttöku í skrúðgöngunni

kl. 14:15 Hátíðarræða – sungin og leikin: Eiríkur Fjalar

kl. 14: 25  Fjöldasöngur gesta með Lúðraveit Samma

kl. 14: 30 Jón Gnarr : Opnunarávarp

kl. 14:30   Dregið úr potti Lukku-hjólsins. Dagur Eggertsson dregur úr og afhendir vegleg verðlaun

kl. 14:40  Óður til Hverfisgötu. Þjóðþekkt miðborgarrotta flytur frumsaminn brag

kl. 14:45  Lúðraveit Samma blæs til leiks

kl. 15:00  Fornbílaakstur gleður augu og eyru

kl. 15:10 Plötusnúðarnir Taj Mahal & Abdullah RAJ hræra saman indverskri Bhangra tónlist og íslenskum þjóðstefjum

kl. 15:30 – 19:00  Reykjavíkurmyndahátíð Bíó Paradísar: 101 Reykjavík, Rokk í Reykjavík,  Reykjavík – Rotterdam, Sódóma Reykjavík.

Dagskrá Bíó Paradísar í tilefni af opnun Hverfisgötu

Bíó Paradís verður í hátíðarskapi 1. mars í opnunarathöfn Hverfisgötunnar. Bróðurpartur dagskrár opnunarhátíðarinnar kjarnast um Bíó Paradís. Hefst hátíðin á skrúðgöngu frá Bíó Paradís kl. 14.00 þar sem Lúðrasveit Samma mun “fönka” upp karnival-stemninguna.

Að þessu tilefni verða til sýnis vel valdar íslenskar kvikmyndir yfir daginn í sölum kvikmyndahússins.

Hátíðardagskrá Bíó Paradísar:

101 Reykjavík – kl. 15:30

Reykjavík Rotterdam og Rokk í Reykjavík – kl. 17:00 (sýndar samtímis) 

Sódóma Reykjavík – kl. 19:00 

Íslendskar kvikmyndir opnun Hverfisgötu

 

101 REYKJAVÍK

101_Reykjavik_stillaTegund og ár: Gaman / Drama 2000
Lengd: 88 mín
Land: Ísland
Leikstjóri: Baltasar Kormákur
Aðalhlutverk: Hilmir Snær Guðnason, Hanna María Karlsdóttir, Victoria Abril
Dagskrá: Opnunarhátíð Hverfisgötu

Hvenær: 1. mars kl. 15.30

Efni: 101 Reykjavík er fyrsta kvikmynd Baltasars Kormáks í leikstjórastólnum og hefur myndin, rétt eins og samnefnd skáldsaga Hallgríms Helgasonar, hlotið fjölda viðurkenninga víðs vegar um heim.

Hlynur Björn, söguhetjan í 101 Reykjavík, er Reykvíkingur á fertugsaldri og býr í móðurhúsum. Líf hans er í föstum skorðum þar til Lola, spænskur flamíngó kennari með lesbískar hvatir, flyst inn til þeirra mæðgina.

REYKJAVÍK ROTTERDAM

ReykjavikRotterdam_stillaTegund og ár: Spenna / Drama, 2008
Lengd: 88 mín
Land: Ísland
Leikstjóri: Óskar Jónasson
Aðalhlutverk: Baltasar Kormákur, Ingvar E. Sigurðsson
Dagskrá: Opnunarhátíð Hverfisgötu

Hvenær: 1. mars kl. 17.00

Efni: Öryggisvörður og fyrrverandi sjómaður, sem afplánað hefur fangelsisdóm fyrir áfengissmygl, berst við að halda fjölskyldu sinni á floti. Honum býðst að fara í einn vel launaðan síðasta túr á flutningaskipi, milli Reykjavíkur og Rotterdam. Hann slær til, í þeirri von að koma sér á réttan kjöl, en óvæntir atburðir setja strik í reikninginn.

ROKK Í REYKJAVÍK

rokk_i_reykjavikTegund og ár: Heimildamynd / Tónlistarmynd, 1982
Lengd: 83 mín
Land: Ísland
Leikstjóri: Friðrik Þór Friðriksson
Aðalhlutverk: Ýmist íslenskt tónlistarfólk
Dagskrá: Opnunarhátíð Hverfisgötu

Hvenær: 1. mars kl. 17.00

Efni: Rokk í Reykjavík er eitt af fyrstu verkum Friðriks Þórs. Myndin kom út árið 1982 og er samansafn af upptökum valdra hljómsveita með stuttum viðtölum inn á milli.

SÓDÓMA REYKJAVÍK

SodomaReykjavik3Tegund og ár: Gaman / Spenna, 1992
Lengd: 78 mín
Land: Ísland
Leikstjóri: Óskar Jónasson
Aðalhlutverk: Björn Jörundur Friðbjörnsson, Eggert Þorleifsson, Helgi Björnsson, Sigurjón Kjartansson, Sóley Elíasdóttir, Margrét Gústafsdóttir
Dagskrá: Opnunarhátíð Hverfisgötu

Hvenær: 1. mars kl. 19.00

Efni: Þvílík vandræði sem geta orðið þegar fjarstýringin týnist… og svo má auðvitað ekki gleyma gullfiskunum. Axel er feiminn og hlédrægur piltur sem býr enn heima hjá mömmu sinni, vinnur á bifreiðaverkstæði og ekur flottum, amerískum kagga. Líf mömmu hans snýst að mestu leyti um sjónvarpsdagskrána og þegar fjarstýringin týnist einn góðan veðurdag, er fjandinn laus. Örvæntingarfull leit ber Axel víðsvegar um bæinn, þar sem hann kynnist meðal annars bruggaranum Mola og systur hans, Unni. Leikurinn berst á næturklúbbinn Sódómu, þar sem Axel sýnir mikla dirfsku við að bjarga draumadísinni sinni úr höndum mannræningja.

 

 

Fréttir/pistlar, Ísland, Kvikmyndir
Engin skoðun á “Opnun Hverfisgötu”

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.