Verðlaunastuttmyndir um helgar
Til að svara eftirspurn fyrir yngri kynslóðina munum við í Bíó Paradís bjóða upp stórskemmtilega stuttmyndadagskrá, ellefu teiknimyndir frá átta löndum. Allt eru þetta verðlaunamyndir sem ættu að gleðja alla káta krakka. Tíu myndir eru án tals, ein með örlitlu ensku tali og ein á spænsku með íslenskum texta. Dagskráin er alls 79 mín og hentar öllum aldurshópum. Hér er hægt að kaupa miða.
Afi skrítni (My strange grandfather) 9 mín – rússnesk 2011 – án tals.
Það eru ekki allar litlar stelpur sem eiga eins skrítinn og skemmtilegan afa og litla stelpan í þessari mynd. Hér er á ferð gullfalleg mynd um óvenjuleg samskipti á milli kynslóðanna. Er þetta ekki bara spurning um að tapa ekki barninu í sjálfum sér?
Skrímslakassi (Monsterbox) 8 mín – frönsk 2012 – án tals.
Allir þurfa sinn samastað. Líka skrímsli. En þegar skrímslin verða stærri og stærri verður erfiðara og erfiðara fyrir litlu stelpuna sem á þau að verða þeim úti um heimili.
Colosse – Saga af spítustrák (Colosse – The wood tale) 3 mín – bandarísk 2012 – án tals.
Það er ekki tekið út með sældinni að vera 30 feta stór spítuvélmennisstrákur! Sérstaklega þegar maður er þekkir ekki egin styrkleika.
Fullt tungl (Full moon) 9 mín – ísraelsk 2013 án tals.
Saga um ungt par sem flytur inn í nýtt hús inni í miðjum skógi. Fljótlega tekur eginmaðurinn eftir háum turni í fjarska og hefst handa við að byggja hærri turn ofan á sitt egið hús. Bygging turnsins tekur hins vegar meiri tíma en hann gat sé fram á.
Afrakstur (Shave it) 4 mín – argentínsk 2012 – án tals.
Þegar mannskepnan hefur rutt sig svo langt inn í frumskóginn að apinn á ekki lengur heimkynni hefur hann aðeins um tvennt að velja. Hvort aðlagar hann sig heimkynnum mannsins eða berst fyrir sínum egin?
Á milli línanna (Under the fold) 8 mín – dönsk 2013 – án tals.
Hinn atvinnulausi Frank er við það að sökkva í þunglyndi. En barnaleg en jákvæð sýn sonar hans á atburðunum gæti verið leiðin út.
Týnda hljóðið (The odd sound out) 7 mín – dönsk 2013 – án tals.
Sum hljóð eiga erfiðara með að passa inn í umhverfið en önnur. Þessi saga segir af hljóði í leit af félagsskap.
Að eiflífu látbragð (Forever mime) 10 mín – hollensk 2013 – án tals.
Látbragðsleikari hrífst af afgreiðslustúku í sölubás í Tívolí. Sér til mikils ama áttar hann sig á að stúlkan á annan vonarbiðið og það sem verra er – sá er einnig látbragðsleikari. Það getur bara endað á einn veg – með látbragðseinvígi.
Amma úti að aka (Granny lane) 3 mín – hollensk 2012 – án tals.
Gömul kona dregst óviljandi inn í götukappakstur við tvo villinga á ofurkagga. Skemmtileg aðlögun á gamla þemanu um hérann og skjaldbökuna.
Út fyrir kassann (Out of the ordinery) 8 mín – dönsk 2013 – enskt tal.
Dagleg rútína skrifstofmannsins raskast þegar raftækin á skrifstofunni taka sig til og byrja að panta hluti sem á endanum gætu uppfyllt drauma hans.
Gölluð leikföng (Defective) 10 mín – mexíkósk 2012 – spænskt tal/íslenskur texti.
Aldraður leikbrúðumeistari safnar saman yfirgefnum og gölluðum leikföngum úr ruslinu. Með ástríðu og ákveðni breytir hann þessu verðlausa drasli í glæsilegar strengjabrúður. Í götuleikhúsinu öðlast dótið aftur hylli barnanna.
