Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
Indversk kvikmyndahátíð 11.-20. apríl

Indversk kvikmyndahátíð 11.-20. apríl

Apr 02, 2012 Engin skoðun

Indversk kvikmyndahátíð verður í Bíó Paradís dagana 11.-20. apríl 2012. Þetta er í fyrsta skipti sem haldin er Indversk kvikmyndahátíð á Íslandi. Henni er bæði ætlað að kynna hina stórkostlegu kvikmyndamenningu Indlands og styrkja hið góða starf Vina Indlands á Suður-Indlandi í Tamil Nadu.

Allar myndirnar eru sýndar með enskum texta.

Indverska kvikmyndahátíðin er haldin í samstarfi Bíó Paradísar og Vina Indlands með stuðningi Sendiráðs Indlands á Íslandi. Hún væri ekki möguleg nema fyrir dyggan stuðning og aðstoð eftirtalinna aðila: Saffran, Austur indíafjélagið, Austurlandahraðlestin, Guðjón Ó, Profilm og  Movie Time Video,

Hluti af andvirði seldra miða fer til styrktar starfi Vina Indlands á Indlandi. Helstu markmið Vina Indlands eru:

  1. Að reka drengjaheimilið Grund í Thorapadi
  2. Að styðja stúlknaheimilið Salem og heimili fyrir drengi og stúlkur í Posum Kudil
  3. Að styrkja fátæk og munaðarlaus börn til náms með hjálp íslenskra styrktarforeldra
  4. Að styðja við rekstur kennslumiðstöðva í fátækum þorpum
  5. Að skipuleggja sjálfboðaliðaferðir og aðs
  6. Að styðja stúlknaheimilið Salem og heimili fyrir drengi og stúlkur í Posum Kudil
  7. Að styrkja fátæk og munaðarlaus börn til náms með hjálp íslenskra styrktarforeldra
  8. Að styðja við rekstur kennslumiðstöðva í fátækum þorpum
  9. Að skipuleggja sjálfboðaliðaferðir og aðstoða sjálfboðaliða sem vilja starfa við verkefni félagsins í Indlandi

 

MYNDIRNAR ERU:

________________________________________________________________________________

Dhoom 2

  • Bollywood / 2006
  • Leikstjóri: Sanjy Gadhvi
  • Aðalhlutverk: Hrithik Roshan, Abhishek Bachchan, Aishwarya Rai, Uday Chopra, Bispasha Basu
  • Tónlist: Pritam
  • Tegund: Spennu- gamanmynd með mikið af dans- og söng
  • 152 mínútur
  • Tungumál:  Hindi
  • Enskur texti

EFNI: Jai Dixit (Abhishek Bachchan) er hér  í annað skiftið að eltast við versta glæpamann sem um getur. Spennu-gamansaga um baráttu lögreglumanns við alþjóðlegan stórþjóf (Hrithik Roshan) sem notar nýjustu tækni til þess að fremja glæpi sína. Hann rænir bara þjóðargersemum s.s. krúnu Englandsdrottningar og elstu mynt veraldar. Eltingaleikurinn  dregur Jack  viðvegar um Indland og til Brasilíu. Bollywood mynd í sinnu fullkomnustu mynd þar sem jafnframt er gert grín að evrópskum og bandarískum spennumyndum. Dhoom 2 er fyrsta Bollywood myndin sem gerð hefur verið í Brasilíu og er tónlistin sambland af indverskri tónlist og samba.

UMSÖGN: Myndin er þriðja tekjuhæsta Bollywood myndin frá upphafi. Til gamans má geta að lögregluyfirvöld voru hrædd um að leyfa sýningar á henni vegna þess að þau töldu hana hvetja ungt fólk til ofsaaksturs.  Hún hlaut Filmfare-verðlaunin fyrir besta leikara í karlhlutverki, besta förðun, bestu búninga. Aiwhwarya Rai vann Stardust awards sem besti leikari í kvenhlutverki. Á MTV India style hátíðinni rakaði Dhoom 2 til sín 8 verðlaunum.

Nútímaleg Bollywood dans- og söngvamynd eins og þær gerast bestar.

Sýningartími:

  • Föstudaginn 13. apríl kl. 20:00
  • Þriðjudaginn 17. apríl kl.20:00

________________________________________________________________________________

Hálsmenið (Madrasapattinam)

  • Kollywood / 2010
  • Leikstjóri : A.L. Vijay
  • Aðalhlutverk: Arya, Amy Jackson, Nassar, Alexx O‘Neill
  • Tegund: Drama
  • 167 mínútur
  • Tungumál: Tamil
  • Enskur texti

EFNI: Fullorðin bresk kona ferðast til Indlands til að koma ættargrip til skila. Þennan grip hafði indverskur elskhugi hennar gefið henni  15. ágúst 1947. Hún rifjar upp atburðina fyrir 60 árum. Þetta var á tímum sem Indland var að berjast fyrir sjálfstæði frá Bretlandi og landið var púðurtunna.  Þá var ekki vel séð, hvorki frá hlið Indverja né Breta, að ung bresk kona af yfirstétt eigi samleið með indverskum manni af lægstu stigum.  Hér er að ferðinni mikil ástarsaga.  Myndin hefur verið kölluð Titanic-mynd Indverskrar kvikmyndagerðar.

UMSÖGN: Myndin hefur verið tilnefnd sem besta myndin, besti leikstjórinn, besti leikarinn,

Sýningartími:

  • Laugardaginn 14. apríl kl. 17:00
  • Mánudaginn 16. apríl kl. 20:00
  • Fimmtudaginn 19. apríl kl. 20:00


________________________________________________________________________________

Stóri dagurinn (Band Baaja Baaraat)

  • Bollywood/2010
  • Leikstjóri: Maneesh Sharma
  • Aðalhlutverk: Ranveer Singh, Anushka Sharma
  • Tegund: Rómantísk gamanmynd
  • 139 mínútur
  • Tungumál: Hindi
  • Enskur texti

EFNI: Shruti (Anushka Sharma) og Bittoo (Ranveer Singh) stofna saman fyrirtæki sem sérhæfir sig í því að skipuleggja brúðkaup fyrir fólk. Þau byrja sem viðskipta­félagar og ætla að halda einkalífi og vinnunni aðskildri. Það gengur hins vegar upp og ofan.

UMSÖGN: Indversk brúðkaup geta verið alveg sér á parti, þar getur fjöldi boðsgesta varað frá 100 manns upp í 10.000 manns svo það er ekki heiglum hent að undirbúa svoleiðis viðburð. Íburðurinn er mjög mikill, veislustaðurinn er allur skreyttur hvort sem það er torg eða kirkja brúðurin er máluð með henna litum á höndum og fótum og  hlaðin gulli og gimsteinum.  Kvikmyndin er byggð upp á  nokkrum brúðkaupum sem þau undirbúa allt frá litlu sveitabrúðkaupi upp í brúðkaup ríkisarfans.  Unga parið gerir sáttmála um að blanda ekki saman einkalífi og vinnu þ.e.a.s það er bannað að verða ástfanginn af hvort öðru.  En þau sjá ekki fyrir öllu og málin flækjast þegar tilfinningarnar koma inn í spilið.  Myndin er algjört augnakonfekt, það er erfitt annað en hrífast með það  er svo mikil gleði, söngur og fallegir litir í henni  og tónlistin er grípandi.  Kvikmyndin  hefur unnið til  margra verðlauna t.d. fyrir heitasta parið og besta byrjandann en hún er frumraun Ranveer Singh sem leikur unga manninn.  Ranveer Singh heillaði leikstjórann upp úr skónum og var ráðinn í hlutverkið strax eftir fyrstu prufu.

Anushka Sharma hlaut verðlaun sem besta leikkonan, myndin hlaut verðlaun fyrir bestu tónlistina, tilnefnd fyrir besta leikstjóran, hlaut tilnefningu í Star screen Award sem besta myndin

Sýningardagar:

  • Miðvikudagur 11. apríl kl. 20:00
  • Sunnudagur 15. apríl kl. 20:00


________________________________________________________________________________

Talaðu (Bol)

  • Lollywood (Pakistan) / 2007
  • Leikstjóri: Shoaib Mansoor
  • Aðalhlutverk: Humaima Malick, Atif Aslam, Mahira Khan, Shafqat Cheema, Manzar Sehbai
  • Tegund: Drama
  • 146 mínútur
  • Tungumál: Urdu/Punjabi
  • Enskur texti

EFNI: Ung kona bíður aftöku vegna morðs. Síðasta ósk hennar er að fá að rekja sögu sína fyrir fjölmiðlum og skýra frá ástæðunum fyrir morðinu sem hún er dæmd fyrir. Hún ólst upp á ströngu heimili við mikið ofbeldi.  Hún lýsir lífi sínu í þessu fangelsi sem heimilið var og því misrétti sem konur eru beittar.

UMSÖGN: Myndin hefur hlotið verðlaun fyrir bestu leikstjórn, sem besta kvikmyndin, besta erlenda myndin.  Shoaib Mansoor er einn virtasti leikstjóri Pakistan og hefur leikstýrt mörgum verðlaunamyndum. Hann hefur hlotið Silfurpýramídann í Cairo International Film Festival. Myndin hefur hlotið mjög góðar viðtökur og þykir gera þessu viðkvæma máli góð skil.

Þessi mynd fær verðskuldaða 8,1 í einkunn á IMDB.  Það eru ekki margar gæðamyndir sem toppa það.

Sýningardagar:

  • Sunnudagur 15. apríl kl. 17:00
  • Miðvikudagur 18. apríl kl. 20:00

_______________________________________________________________________________

Vélmenni (Enthirian)

EFNI: Tveir vísindamenn keppast um að gera hið fullkomna vélmenni.  Þegar öðrum tekst að skapa vélmenni með mannlegar tilfinningar er hætta á ferðum, sérstaklega þegar vélmennið fer að hegða sér öðruvísi en vísindamaðurinn hafði hugsað sér og hann missir stjórn á atburðarásinni.

UMSÖGN: Þetta er merkileg mynd fyrir margra hluta sakir.  Í fyrsta lagi er form myndarinnar mjög áhugavert og óvenjulegt fyrir íslenska áhorfendur, en hér er á ferðinni kvikmynd sem byggð er á svokölluðu kryddblönduformi (masala-format), sem er sérindverskt form.  Myndin er kaflaskipt með spenni­köflum, gamanmyndaköflum, rómantískum köflum sem skeytt er saman með dans- og söngvaatriðum.  Þessi uppbygging kvikmyndar er mjög ólík því sem við eigum að venjast á vesturlöndum. En þetta mun vonandi veita mörgum íslenskum áhorfendum svolítið sérstaka upplifun.  Leikstjóri myndarinnar er einn færasti leikstjóri Indlands í kryddblöndumyndum.

Þetta er dýrasta mynd sem gerð hefur verið í Asíu til þessa og jafnframt  tekjuhæsta mynd sem gerð hefur verið á tamílsku.  Tæknibrellumeistararnir eru frá Legacy effect þeir sömu sem unnu að Matrix, Avatar og Terminator.

Leikstjóri myndarinnar S. Shankar er margverðlaunaður tvær af myndum hans hafa verið tilnefndar til Óskarsverðlaunanna sem besta erlenda myndin.  Hann skrifar handrit að flestum myndum sinum líkt og hann gerir í Vélmenni.

Myndin vann National film award fyrir bestu brellurnar, bestu förðun, bestu leikstjóra, bestu búningahönnun, besta myndin, besti söngvari.  Rajinikanth leikur bæði hlutverk vísindamannsins og vélmennisins.  Rajinikanth er lítt þekktur hér á landi en hann er ofurkvikmyndastjarna í Asíu.  Það sama má reyndar segja um Aiswarya Rai sem leikur aðalkvenhlutverkið í myndinni.

Sýningardagar:

  • Fimmtudagur 12. apríl kl. 20:00
  • Laugardagur 14. apríl kl. 20:00
  • Föstudagur 20. apríl kl. 20:00

Indland, Kvikmyndir
Engin skoðun á “Indversk kvikmyndahátíð 11.-20. apríl”

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.