Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
Kínverskir kvikmyndadagar!

Kínverskir kvikmyndadagar!

Oct 24, 2011 Engin skoðun

Kínverskur kvikmyndaiðnaður hefur vaxið gríðarlega hratt á undanförnum árum og spannar nú allt frá ódýrum sjálfstæðum myndum til stórra verk-efna sem oft eru unnin í samvinnu við erlenda aðila. Kínverskir kvikmyndadagar í Bíó Paradís taka púlsinn á stöðunni í kvikmyndagerð þessa merka lands og færa þér átta nýjar myndir, þar á meðal frá meisturunum Zhang Yimou og Chen Kaige. Þarna má finna drama og kómík, samtímasögur og sögulegar stórmyndir; allt forvitnileg verk sem áhugavert er að njóta.

Myndirnar eru allar með enskum texta og verður hver mynd sýnd tvisvar (opnunarmyndin þrisvar).

Kínverskir kvikmyndadagar eru haldnir í samvinnu við Fjölmiðlaskrifstofu Kínverska sendiráðsins á Íslandi (Press Office of the Chinese Embassy in Iceland).

__________________________________________________________________________________

Myndirnar eru:

OPNUNARMYND:
SACRIFICE
Zhao shi gu er / Chen Kaige, 2010 / 127 mín.

Hið persónudrifna hefndardrama Kaige, með stórstjörnunni Ge You, sló í gegn í Kína. Myndin gerist í fjarlægri fortíð. Hershöfðinginn Tuan slátrar hinni voldugu Zhao fjölskyldu en einn meðlimur hennar sleppur, nýfætt sveinbarn sem læknirinn Cheng Ying (Ge You) tekur að sér. Cheng þyrstir í hefnd og í fyllingu tímans kemur hann drengnum fyrir í þjónustu Tuans með það fyrir augum að koma hershöfðingjanum illa fyrir kattarnef. En góð ráð eru dýr þegar ætterni piltsins uppgötvast…


__________________________________________________________________________________

FOREVER ENTHRALLED
Mei Lanfang / Chen Kaige, 2008 / 145 mín.

Kaige, sem ekki hafði sent frá sér mynd síðan Farewell My Concubine 1993, sneri aftur með þessari sannsögulegu mynd um óperustjörnuna Mei Lanfang sem náði mikilli frægð fyrir túlkun sína á kvenpersónum – þrátt fyrir að vera karlkyns. Myndin fylgir Lanfang frá byrjun ferilsins um tíu ára aldurinn gegnum stormasama ævi hans.


__________________________________________________________________________________

UNDER THE HAWTHORNE TREE
Shanzha shu zhi lian / Zhang Yimou, 2010 / 115 mín.

Hin áferðarfallega og næmlega gerða ástarsaga Yimou (Hero, House of Flying Daggers) gerist í menningarbyltingunni. Stúlkan Jing er send útá land í “endurhæfingarbúðir” en faðir hennar hefur verið fangelsaður fyrir tilraun til gagnbyltingar. Jing gerir sér grein fyrir því að framtíð fjölskyldunnar veltur á vilja hennar til að láta umsnúa sér. Þegar hún verður ástfangin af Sun, syni háttsetts foringja á staðnum, verða þau að leyna sambandi sínu.


__________________________________________________________________________________

THE MESSAGE
Feng shen / Kuo-fu Chen, Gao Qunshu, 2009 / 118 mín.

Ógnar spennandi njósnaþriller af gamla skólanum. Árið er 1942 og Japanir haf hernumið Kína. Njósnari á vegum kommúnista hefur náð að koma sér fyrir í samskiptamiðstöð leppstjórnarinnar í Nanjiing. Stjórnin sendir frá sér falskar upplýsingar til að leiða njósnarann í gildru og í framhaldinu eru fimm menn handteknir og pyntaðir. En tekst Japönum að finna hinn rétta njósnara?


__________________________________________________________________________________

THE PIANO IN A FACTORY
Gang de qin / Zhang Meng, 2010 / 105 mín.

Cheng er fyrrum verkamaður í stálverksmiðju en reynir nú að draga fram lífið með spileríi í hljómsveit sinni. Þegar konan hans skilur við hann tilkynnir dóttir þeirra að hún vilji búa hjá því foreldrinu sem geti skaffað henni píanó. Chen safnar saman gömlum vinnufélögum og saman freista þeir þess að smíða píanó í gamalli stálverksmiðju. Fullt af undirfurðulegum húmor, súrrealískum dansatriðum og rússneskum tregasöngvum!


__________________________________________________________________________________

DEEP IN THE CLOUDS
Liu Jie, Cai Ni, 2010 / 93 mín.

Sagan gerist í stórbrotnu landslagi suðvestur Kína og segir af Lisu-ættbálkn-um. Þessi gullfallega saga lýsir hinu sérstæða sambandi milli þorpsbúanna og bjarnanna sem búa í nágrenninu, en þorpsbúarnir trúa því að þeir séu afkomendur bjarndýranna. Inní þetta flettast ástarsaga tveggja ungmenna sem fá ekki að eigast; pilturinn er barnabarn þorpsöldungsins en stúlkan hefur verið lofuð öðrum.

(Stikla ófáanleg)
__________________________________________________________________________________

IF YOU ARE THE ONE 2
Fei cheng wu rao 2 / Xiaogang Feng, 2010 / 130 mín.

Ein vinsælasta myndin í Kína á síðasta ári. Rómantískar kómedíur koma sjaldnast inná skilnaði og jarðarfarir ólíkt þessari. Auðkýfingur um fimmtugt (Ge You aftur, sjá einnig Sacrifice) á í mestu brösum með kærustu sína, sem er ung flugfreyja (leikinn af annarri stjörnu, Shu Qi).


__________________________________________________________________________________

BODYGUARDS AND ASSASSINS
Shi yue wei cheng / Teddy Chen, 2009 / 135 mín.

Myndin, sem hlaut alls átta verðlaun á Hong Kong Film Awards í fyrra, segir sögu Sun Wen sem barðist gegn hinni spilltu Qing-keisaraætt. Hann kemur til Hong Kong 1905 til að ráðgast við félaga um byltingaraðgerðir, en er sýnt banatilræði við komuna þangað. Upphefst síðan hinn æsilegasti leikur þar sem þekktar asískar slagsmálastjörnur fara á kostum í bardagasenum og hverskyns vopnfimi.

Kína, Kvikmyndir
Engin skoðun á “Kínverskir kvikmyndadagar!”

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.