Pólskir kvikmyndadagar 25.-28. apríl

Bíó Paradís og Sendiráð Lýðveldis Póllands á Íslandi standa fyrir Pólskum kvikmyndadögum í þriðja sinn dagana 25.-28. apríl 2013.

Að þessu sinni bjóðum við uppá fjórar nýjar myndir sem eru þverskurður af því besta sem pólskt bíó hefur uppá að bjóða; allt frá opnunarmyndinni My father’s bike / Mój rower grátbroslega pólska gamanmynd þar sem þrjár kynslóðir í sömu fjölskyldu fara í eftirminnilegt ferðalag eftir leikstjórann Piotr Trzaskalski til myndarinnar You are god þar sem fjallað er um hinn stórbrotna hip-hop hóp Paktofonika, sem breytti pólskri tónlistarsenu svo um munaði á sínum tíma.

Myndirnar eru á pólsku með enskum texta og frítt er inn á allar sýningar. Hér er hægt að skoða dagskrárbækling pdf. 
MYNDIRNAR ERU:
_________________________________________________________________________________
OPNUNARMYND:

MY FAHTERS BIKE / MÓJ ROWER (2012) 

Comedy/Drama , 90 mín. Leikstjóri: Piotr Trzaskalski. Aðalhlutverk: Michal Urbaniak, Artur Zmijewski, Krzysztof Chodorowski.

Grátbrosleg pólsk gamanmynd þar sem þrjár kynslóðir í sömu fjölskyldu fara í eftirminnilegt ferðalag. Á ferðalagi sínu um Pólland fær áhorfandinn að upplifa pólska náttúru, vonbrigði og sigra þessara þriggja karaktera með tónlistarlegu ívafi. Ferðalagið hefur ívið meiri áhrif á tilfinningalíf ferðalanganna en þá hafði áður grunað í þessari þriðju mynd leikstjórans Piotr Trzaskalski, þar sem jazz goðsögnin Urbaniak fær að njóta sín.

_________________________________________________________________________________

ROSA/ RÓZA (2011)

Drama/History/War, 90 mín. Leikstjóri: Wojciech Smarzowski. Aðalhlutverk: Marcin Dorocinski, Agata Kulesza, Malwina Buss.

Magnþrungin saga sem fjallar um Rose, konu frá Masuriu, sem stendur ein eftir að þýskur eiginmaður hennar var drepinn í stríðinu. Hún lifði eftir í samfélagi þar sem lögmál frumskógarins ríkti og rússneskir hermenn beittu nauðgunum í hefndarhernaði, þar sem pólskir íbúar stóðu uppi varnarlausir. Þegar Tadeusz, fyrrum yfirmaður í Pólska hernum, kemur til kastana reynist hann Rose mikil hjálp í lífinu.

_________________________________________________________________________________

THE FIFTH SEASON / PIATA PORA ROKU (2012) 

Drama/Comedy, 96 mín. Leikstjórar: Jerzy Domaradzki. Aðalhlutverk:  Ewa Wisniewska, Marian Dziedziel, Andrzej Grabowski.

Á yfirborðinu, eiga þau ekkert sameiginlegt. Witek er ekkill og vinnur sem bílstjóri, sem hefur ekið þúsundir kílómetra í lífinu en hefur aldrei ferðast utan heimalands síns Silesiu. Barbara er tónlistarkennari á eftirlaunum, sem enn er að jafna sig eftir dauðsfall manns sem að hún eyddi stærstum hluta lífsins með. Leiðir Barböru og Witeks liggja saman þegar hún ætlar sér að grafa ösku mannsins nálægt sjó í norður Póllandi, og í kjölfarið myndast með þeim djúp og sérstök vinátta.

_________________________________________________________________________________

YOU ARE GOD / JESTES BOGIEM (2012) 

Drama/Music, 110 mín. Leikstjóri: Leszek Dawid Aðalhlutverk: Marcin Kowalczyk, Dawid Ogrodnik, Tomasz Schuchardt.

Í myndinni er fjallað um hinn stórbrotna hip-hop hóp Paktofonika, sem breytti pólskri tónlistarsenu svo um munaði á sínum tíma. Tónlist þeirra varð að einkennismerki nýrrar kynslóðar pólskrar æsku, á tímamótum þegar landið var að losna undan fjötrum Sovíéskrar fortíðar sinnar.  En hinn líflegi Magik á í ýmsum vandræðum í lífinu og á í stormasömu sambandi við konu sína Justyna (Katarzyna Wajda). Þegar hann fremur sjáfmorð aðeins 23 ára gamall, tók pólska þjóðin því líkt og hin vestræni heimur tók dauðsföllum Kurt Kobains og Ian Curtis tónlistargoðsagna.