Warning: Declaration of description_walker::start_el(&$output, $item, $depth, $args) should be compatible with Walker_Nav_Menu::start_el(&$output, $item, $depth = 0, $args = Array, $id = 0) in /home/forge/old.bioparadis.is/public/wp-content/themes/newscast/framework/classes/description_walker.php on line 43
Tilnefningar til Eddunnar sýndar í Bíó Paradís!

Tilnefningar til Eddunnar sýndar í Bíó Paradís!

Jan 31, 2014 Engin skoðun

30. janúar síðastliðinn tilkynnti Íslenska kvikmynda- og sjónvarpsakademían hver hlaut tilnefningar Eddunnar 2014 á blaðamannafundi sem haldinn var í Bíó Paradís.

Að þessu tilefni er okkur í Heimili kvikmyndanna – Bíó Paradís sönn ánægja að kynna að þær kvikmyndir og stuttmyndir sem hlutu tilnefningu verða sýndar í Bíó Paradís.

Um er að ræða gæðamyndirnar Hross í Oss eftir Benedikt Erlingsson, Málmhaus eftir Ragnar Bragason og XL eftir Martein Þórsson. Stuttmyndirnar þrjár sem hlutu tilnefningu voru Heilabrotinn eftir Braga Þór Hinriksson, Hvalfjörður eftir Guðmund Arnar Guðmundsson og Víkingar eftir Magali Magistry.

Um er að ræða frábærar sýningar Eddunnar, frítt er fyrir meðlimi ÍKSA Íslensku kvikmynda- og sjónvarps akademíunnar en almenn miðasala fer fram á midi.is og í miðasölu Bíó Paradísar.

Riðið var á vaðið með Málmhaus nú á föstudaginn 31. janúar kl. 20.00. Málmhaus verður sýnd: Laugardag 1. febrúar kl. 18.00, sunnudaginn 2. febrúar kl. 22.00 og föstudaginn 7. febrúar kl. 20.00.

 

Hross í oss hefur verið í hefðbundum sýningum en sérstakar Eddu sýningar verða föstudaginn 31. janúar kl. 18.00, laugardaginn 1. febrúar kl. 22.00 og sunnudaginn 2. febrúar kl. 20.00.

XL verður sýnd laugardaginn 1. febrúar kl. 22, sunnudaginn 2. febrúar kl. 18.00, mánudaginn 3. febrúar kl 20.00 og  laugardaginn 8. febrúar kl. 20.00.

Stuttmyndirnar þrjár sem hlutu tilnefningu verða sýndar saman laugardaginn 1. febrúar kl. 20.00, sunnudaginn 9. febrúar kl. 20 og laugardaginn 15. febrúar kl 18.00. Það er því miður ekki oft sem stuttmyndir eru sýndar í kvikmyndasölum landsins. Því er um að gera að nota tækifærið og sjá þessar spennandi stuttmyndir.

Nánar um myndirnar:

Hross í oss

Tegund og ár: Drama/ Gamanmynd, 2013

Lengd: 85 mín
Land: Ísland
Texti: Enskur
Leikstjóri: Benedikt Erlingsson
Handrit: Benedikt Erlingsson
Aðalhlutverk: Ingvar E. Sigurðsson, Charlotte Bøving, Helgi Björnsson

Efni: Dramatísk sveitarómantík um hið mennska í hrossinu og hrossið í manninum. Ást, kynlíf, hross og dauði fléttast saman með skelfilegum afleiðingum. Sólveig elskar Kolbein og Kolbeinn elskar Sólveigu en Kolbeinn elskar líka merina Gránu sem aftur á móti elskar folann Brún. Það er ekki víst að þessi saga endi vel. Í litlum dal upp á íslandi árið 1985 lifa og deyja menn fyrir hestana sína og hestarnir fyrir mennina.

Málmhaus
Tegund og ár: Drama 2013
Lengd: 97 mín
Land: Ísland
Texti: Enskur
Leikstjóri: Ragnar Bragason
Handrit: Ragnar Bragason
Aðalhlutverk: Þorbjörg Helga Þorgilsdóttir, Ingvar E. Sigurðsson, Halldóra Geirharðsdóttir

Efni: Æska Heru Karlsdóttur er áhyggjulaus í sveitinni þar til harmleikur dynur yfir. Eldri bróðir hennar deyr af slysförum og Hera kennir sjálfri sér um dauða hans. Í sorginni finnur hún sáluhjáp í þungarokki og dreymir um að verða rokkstjarna. // Hera Karlsdottir is born on the cowshed floor at her parents farm in rural Iceland. The years of her youth are carefree until a tragedy strikes. Her older brother is killed in a accident and Hera blames herself for his death. In her grief she finds solace in the dark music of Heavy Metal and dreams of becoming a rock star.

XL
Tegund og ár: Drama 2013
Lengd: 87 mín
Land: Ísland
Texti: Enskur
Leikstjóri: Marteinn Þórsson
Handrit: Marteinn Þórsson og Guðmundur Óskarsson
Aðalhlutverk: Ólafur Darri Ólafsson, María Birta Bjarnadóttir

Efni: Fjölskyldumaðurinn fyrrverandi, flagarinn óstýriláti og áfengisþyrsti þingmaðurinn Leifur Sigurðarson er skikkaður í meðferð af vini sínum og yfirmanni, forsætisráðherra Íslands – en áður en hann lætur flengja sig opinberlega heldur Leifur vinum sínum matarboð. // Leifur Sigurdarson, an unstoppable ladies man and alcoholic parliament member, is forced in rehab by his friend and boss, the Prime Minister of Iceland. But before he gets spanked in public, he invites his friends over for a gargantuan feast. During the party we get to know Leifur and the other characters in the movie as well as finding out about Leifur’s, and his posse’s, sordid past.

Heilabrotinn_1Heilabrotinn

Tegund og ár: Drama 2013
Lengd: 15 mín
Land: Ísland
Leikstjóri: Bragi Þór Hinriksson
Aðalhlutverk: Bergþór Frímann Sverrisson, Bergur Þór Ingólfsson, Hrefna Hallgrímsdóttir, Björn Thors, Guðjón Davíð Karlsson

Efni: Heilabrotinn segir sögu ungs drengs sem hefur nýlega verið greindur með geðsjúkdóm og hvernig fjölskylda hans bregst við þeim fregnum. Á meðan myndin tekur fyrir hræðilegan sjúkdóm segir hún einnig frá styrk og von og hvernig tiltekið hugarfar getur varpað nýju ljósi á hlutina.
Whale_Valley_still1Hvalfjörður

Tegund og ár: Drama 2013
Lengd: 15 mín
Land: Ísland
Leikstjóri: Guðmundur Arnar Guðmundsson
Aðalhlutverk: Ágúst Örn B. Wigum, Einar Jóhann Valsson

Efni: Myndin sýnir sterkt samband tveggja bræðra, sem búa á litlum sveitabæ ásamt foreldrum sínum. Við skyggnumst inn í heim þeirra frá sjónarhorni yngri bróðurins og fylgjum honum í gegnum örlagaríka daga sem marka þáttaskil í lífi bræðranna.
Vikingar_still1Víkingar

Tegund og ár: Drama 2013
Lengd: 15 mín
Land: Ísland
Leikstjóri: Magali Magistry
Aðalhlutverk: Þröstur Leó Gunnarsson, Ólafur Egilsson, Margrét Bjarnadóttir, Damon Younger, Sveinn Ólafur Gunnarsson

Efni: Víkingar gerist á tveimur tímaskeiðum, annars vegar árið 1000 og hins vegar árið 2012. Myndin segir frá Magnúsi, óttalausum víkingi sem hyggst skora Bjarna Berserk á hólm þar sem hann nam konu og barn Magnúsar á brott. Einnig segir myndin frá Magnúsi, hetjunni í vonlausu víkingafarandleikhúsi, sem á í erfiðleikum með að ná aftur saman við son sinn í kjölfar sársaukafulls skilnaðar.

Fréttir/pistlar, Ísland, Kvikmyndir
Engin skoðun á “Tilnefningar til Eddunnar sýndar í Bíó Paradís!”

Svara færslunni

You must be logged in to post a comment.

Blogg

Leyndardómur Burknablómsins – sjónlýsing fyrir blinda og sjónskerta

Pólsk teiknimynd með enskum texta og íslensku tali og sjónlýsingu fyrir blinda og sjónskerta sem hægt verður að hlusta á í gegnum heyrnartól á vegum verkefnisins „Ísland og Pólland gegn útilokun frá menningu“. Sýnd 6. desember kl 12:00 og er aðgangur ókeypis.

Bolshoi Ballettinn

Fjórar uppfærslur Bolshoi balletsins verða sýndar í Bío Paradís í vetur.

Björk – Biophilia Live

The film will be shown during Iceland Airwaves at 18:00 at Bíó Paradís. Biophilia Live’ is a concert film by Nick Fenton and Peter Strickland that captures the human element of Björk’s multi-disciplinary multimedia project: Biophilia. Recorded live at Björk’s show at London’s Alexandra Palace in 2013, the film features Björk and her band performing every song on ‘Biophilia’ and more using a broad variety of instruments – some digital, some traditional and some completely unclassifiable.

You Are In Control

Alþjóðlega ráðstefnan You Are In Control (YAIC) verður haldin í Reykjavík í sjöunda sinn dagana 03. og 04. nóvember 2014 í Bíó Paradís. Sem fyrr mætast á ráðstefnunni skapandi greinar; hönnun, tónlist, bókmenntir, tölvutækni, leiklist, kvikmyndagerð og myndlist.

GGG: Gremlins, Goonies & Ghostbusters

GGG er myndlistasýning þar sem u.þ.b. 30 myndlistamenn sýna verk tileinkuð þremur ástsælustu kvikmyndaverkum 9. áratugarins. Gremlins, Goonies & Ghostbusters. Sýningin opnar í Bíó Paradís á hrekkjavökunni, 31. október næstkomandi og stendur yfir í tvær vikur. Bíóið mun auk þess taka hina heilögu þrenningu til sýninga svo þú og þínir geta notið þeirra á ný.

Póstlisti

Skráðu þig núna og fáðu vikulegan póst um dagskrána framundan (bjóðum reglulega uppá sértilboð fyrir þá sem eru á listanum).

Væntanlegt

White God

Myndin tæpir á því þema að sýna fram á samband þessara tveggja dýrategunda, hunds og manns en myndinni hefur verið lýst sem dystópískri spennumynd þar sem pólitískri og menningarlegri spennu í Evrópu er lýst með meistarlegum hætti. White God vann flokkinn Un Certain Regard á nýliðinni kvikmyndahátíð Cannes 2014, sem og að hundarnir unni verðlaun gagnrýnenda fyrir frammistöðu sína.

Wild Tales

Saga um blekkingar í ástum, drauga fortíðar, harmleik, ofbeldi í daglegu lífi. Atburðir sem einn af öðrum hverfa í hyldýpi þess að missa stjórnina. Myndin, sem framleidd er af Agustín og Pedro Almodóvar, er framlag Argentínu til Óskarsverðlaunanna en hún keppti um aðalverðlaun Cannes kvikmyndahátíðarinnar 2014. Myndin vann áhorfendaverðlaun bæði á kvikmyndahátíðinni í San Sebastian og í Sarajevó.

Paris of the North / París Norðursins

París Norðursins í leikstjórn Hafsteins Gunnars sýnd í Bíó Paradís með enskum texta! Paris of the North is screened with English subtitles in Bíó Paradís!

Black Coal, Thin Ice

Black Coal, Thin Ice vann Gullna Björninn á kvikmyndahátíðinni Berlinale 2014, spennumynd sem gerist í Norður- Kína árið 1999, þar sem nokkur lík eru uppgvötuð í litlum bæ. Myndin er hlaðin spennu, áhugaverðum karakterum og hinni klassísku tvennu, fyrrverandi lögregluþjóni og “femme fatale”. Myndin er væntanleg í Bíó Paradís.

Girlhood

Marieme gengur illa í skólanum og upplifir sig bælda í fjölskylduaðstæðum og er þreytt á strákunum í hverfinu sínu. En hún hefur nýtt líf þegar hún vingast við þrjár stúlkur sem henni eru frekar að skapi, hún breytir nafni sínu, klæðaburði og hættir í skólanum til þess að vera samþykkt betur inn í hópinn. Myndin hlaut stórkostlegar viðtökur á kvikmyndahátíðinni í Cannes 2014, þar sem hún var sýnd í flokknum Director´s Fortnight.

Jimmy´s Hall

Jimmy Gralton byggði danshús árið 1921 á afskekktum vegamótum í Írlandi, þar sem ungt fólk gat komið og lært, skipst á skoðunum og látið sig dreyma, en fyrst og fremst til þess að dansa og hafa það skemmtilegt. Þá var það talin synd, en Jimmy´s Hall fagnar anda hinnar frjálsu hugsunar. Danshúsið var pólítískur minnisvarði um þessa tíma, en myndin var valin í keppni hinna virtu Palme d´Or verðlauna á kvikmyndahátíðinni í Cannes 2014.

Human Capital

Lake Como, Ítalía. Jeppi ekur á hjólreiðamann á jólunum. Hvað gerðist þetta kvöld? Hvernig breytir slysið örlögum hinnar ríku Barnaschi fjölskyldu og hinnar fátæku Rovelli fjölskyldu sem er á barmi gjaldþrots? Ítalska myndin Human Capital er byggð á samnefndri bók eftir Stephen Amidon. Hún hefur hlotið fjölmörg dæmi en þar ber hæst að nefna fyrir bestu leikkonu í aðalhlutverki en Valeria Bruni hreppti þau á kvikmyndahátíðinni í Tribeca árið 2014.

Brev til Kongen

Brev til kongen er verðlaunamynd um fimm ólíkra einstaklinga sem allir eiga það sameiginlegt að fara í dagsferð til Osló. Þeir eiga það líka sameiginlegt að vera flóttamenn í Noregi, en karakterarnir í myndinni upplifa allir afar viðburðarríkan dag þar sem glittir í atriði úr fortíð þeirra sem og mögulega framtíð. Myndin vann sem besta norræna myndin á Alþjóðlegu kvikmyndahátíðinni í Gautaborg 2014 sem og að hún vann til fjölda verðlauna á hinni árlegu Amanda verðlaunafhendingu í Noregi.

Blue Room

Maður og kona eru ein í herbergi, ástfangin í laumi. Þau þrá hvort annað í taumlausum losta. Þau deila nokkrum augnablikum saman sem eru þýðingarlaus. Í það minnsta stendur maðurinn í þeirri trú að þau hafi verið fullkomlega þýðingarlaus. Í einni andrá sætir maðurinn, Julien, lögreglurannsókn þar sem hann á engin orð. Hvað gerðist? Hvað er hann ásakaður um? Myndin var sýnd á kvikmyndahátíðinni í Cannes 2014 í flokknum Un Certain Regard og hefur hlotið stórgóða dóma gagnrýnenda.

Winter Sleep

Myndin gerist í Anatólíu og rannsaka þann gríðarlega ójöfnuð á milli ríkra og fátækra, á milli þeirra valdamiklu og valdalitlu í Tyrklandi. Myndin vann aðalverðlaun kvikmyndahátíðarinnar í Cannes og FIPRESCI verðlaunin 2014. Myndin er framlag Tyrklands til Óskarsverðlaunanna sem besta erlenda myndin 2015.