Nemendatilboð og klippikort á Reykjavík Shorts&Docs 2014
Reykjavík Shorts&Docs Festival verður haldin 12. sinn í Bíó Paradís og Stúdentakjallaranum dagana 3.-9. apríl næstkomandi. Opnunarmyndin að þessu sinni verður 20.000 Days on Earth mynd sem margir hafa beðið spenntir eftir og vann hún nýlega heimildamyndaverðlaun á Sundance kvikmyndahátíðinni 2014.
Að venju er áherslan á innlendar og erlendar stutt- og heimildamyndir, en auk kvikmyndasýninga verða fjöldi annarra viðburða á hátíðinni. Þar má fyrst nefna John Grierson sem mun fremja hljóðinnsetningu yfir þöglu myndinni Drifters frá 1929! Drifters fylgir eftir fiskimönnum í baráttu sinni við náttúruöflin þar sem einnig takast á fastmótaðar hefðir og nýjir tímar. Um er að ræða einstakan flutning sem blandar saman live beatboxi, hljóðgerlum og einstakri rödd Grierson í samspili við þetta merkasta kvikmyndaverk Breskrar kvikmyndasögu.
Áhorfendur munu velja bestu íslensku stutt- eða heimildamyndamyndina og verða verðlaunin veitt sigurvegaranum á verðlaunaathöfn á lokakvöldi hátíðarinnar 9. apríl í Bíó Paradís.
Hægt er að kaupa 5 miða klippikort á 5.000 kr en hefðbundið miðaverð er 1.400 kr. Einnig verður sérstakur nemendaafsláttur þar sem miðinn kostar aðeins 1.050 kr.
Við hvetjum nemendur til þess að nýta sér nemendatilboðið eða klippikortin enda kjörið tækifæri til þess að kynnast því besta og ferskasta í stutt- og heimildamyndagerð.
